FELLESSONG: 10. klasse både starta og avslutta med to fine fellesnummer. Øvst f.v. Anette Dalland. Kevin Rød Epland og Karoline Kristiansen. Midtrekka f.v. Malene Kristine Meidell Alsaker og Hedda Singelstad Kåsa (heilt til høgre).Nede f.v. Anni-Elise Dalland, Solveig Rønneseth Reiso, Karoline Hauge Hansen og Marte Særsten Stien.
FELLESSONG: 10. klasse både starta og avslutta med to fine fellesnummer. Øvst f.v. Anette Dalland. Kevin Rød Epland og Karoline Kristiansen. Midtrekka f.v. Malene Kristine Meidell Alsaker og Hedda Singelstad Kåsa (heilt til høgre).Nede f.v. Anni-Elise Dalland, Solveig Rønneseth Reiso, Karoline Hauge Hansen og Marte Særsten Stien.

Song for full hals

10. klasse sitt fullspekka juleshow gjekk torsdag kveld av stabelen i Vonheim.
Publisert 17.12.2017 kl. 18.33. Oppdatert 18.12.2017 kl. 12.54.

Nervene var til å ta og føla på like før start. Spente 10. klassingar stod og trippa i gangen, medan dei siste publikummarane skunda seg inn, eit lite minutt før showstart.

To og to trippa dei inn midtgongen, med musikk frå Ole Brum på full guffe over høgtalaranlegget. Så starta showet for fullt, med ein fellesversjon av «The Final Countdown».


Variert program

10. klasse sitt årvisse juleshow samla nesten to fullsette salar i ungdomshuset Vonheim i Våge.

– Dei er flinke, kreative, og har sett saman eit variert program, sa Nils Magne Singelstad.

Han hadde kome for å sjå barnebarnet Hedda Singelstad Kåsa og dei andre 10. klassingane underhalda familie og vener.

– Det var litt tekniske problem, men det kjem seg gjerne i morgon, sa Singelstad etter den første framsyningskvelden.

Overgangane mellom innslaga sat ikkje heilt som eit skot, men då dei ulike innslaga kom i gong, fekk mange flinke 10. klassingar vist fram talenta sine.


Guteband

Ei av dei beste musikalske prestasjonene torsdag kveld, stod Maksim Vasiljev for. Han hadde ein flott gitarsolo under «Sunshine of Your Love».

Frå rockelåta gjekk turen til både indiskinspirert dans og julesongar.

10. klassingane stilte med fleire større dansenummer. Den menneskelege motorsykkelen til ei av dansegruppene imponerte publikum.

Benjamin Hovland Heimli, Eirik Skorpen og Diego Fereira sin lettkledde dans i miniskjørt og singlet, fekk publikum til å dra på smilebanda.


Bydde på seg sjølv

Ein ting blei klart i løpet av kvelden; denne gjengen med 10. klassingar var ikkje redde for å by på seg sjølv.

Sketsjen som hausta mest latter torsdag kveld var med Tirill Uglehus Sundal som «oversettar» for den «amerikanske presten» Karoline Hovdenes Kristiansen.

– May God bless you all, avslutta presten.

– Må Gud blåsa i dykk alle, oversette presten til det norske publikummet.

Dette var ein godt framført sketsj av 10. klassingane.


Kanelmoro

Midtvegs var det tid for både video frå klasseturen, og ei rekkje klipp frå ei kanelutfordring. Dei mislukka forsøka på å svelja ei heil skei med kanel, utan noko å drikka, var eit morosamt påfunn.

Elevane hadde også vore på skulen og laga parodiar av mange av lærararane. Plutseleg dukka blant anna Bjarne Kleppen opp på skjermen, lærar Arne Kleppe sin ukjende slektning.

Kleppen, sov med gitaren «lille bisken» i senga, og fekk mareritt om julshowet som ikkje skulle bli ferdig.


Alsaker-besøk

Men det var ikkje berre lærarane elvane parodierte. Ein kjent laksekonge frå Onarheim kom på scenen i mellom to av innslaga. Malene Kristine Meidell Alsaker, iført blå dongeribukse, stripete skjorte med litt mage på, og alpelua på snei, inntok scenen til stor applaus frå salen.

– De har ikkje fått noko laks her nei, sa ho, kikka ut over publikum og rista på hovudet.

Under juleshowet fredag kveld, stilte ein sporty pappa, Gerhard Meidell Alsaker, opp i matchande antrekk saman med dottera på scenen.


Juletid

Latterkulene sat til tider laust, men mellom dei humoristiske innslaga, fekk 10. klassingane også tid til dei meir seriøse delene.

Anette Dalland fortalde ei sjølvskriven juleforteljing, som nokre av klassekameratane dramatiserte. Ei flott skriven historie, om kor viktig familien er i jula.

Å setja saman eit så langt show, er ei krevjande oppgåve.

Det er ingen tvil om at mykje innsats ligg bak 10. klassingane sitt juleshow.

Mange fekk vist fram talenta sine på scenen, men overgangane mellom nummera, kunne med fordel vore øvd på nokre gonger til.

Kvelden blei avslutta med at rektor Kari Pettersen takka elevane for vel gjennomført show.

– I kveld har de fått oss til å le. Eg er stolt over kor flotte ungdommar me har, sa ho, og delte ut ei rose til kvar av elevane.





GITARSOLO: Maksim Vasiljev viste fram flotte gitakunster på "Sunshine of Your Love".
GITARSOLO: Maksim Vasiljev viste fram flotte gitakunster på "Sunshine of Your Love".
LO GODT: Elevane sine lærarparodiar fall i god smak hos publikum.
LO GODT: Elevane sine lærarparodiar fall i god smak hos publikum.
LAKSEKONGEN: Malene Kristine Meidell Alsaker parodierte pappa Gerhard Meidell Alsaker under juleshowet.
LAKSEKONGEN: Malene Kristine Meidell Alsaker parodierte pappa Gerhard Meidell Alsaker under juleshowet.
FINE I TØYET: Benjamin Hovland Heimli (f.v.), Eirik Skorpen og Diego Fereira var ikkje redde for å by på seg sjølv under dette dansenummeret.
FINE I TØYET: Benjamin Hovland Heimli (f.v.), Eirik Skorpen og Diego Fereira var ikkje redde for å by på seg sjølv under dette dansenummeret.
IMPONERT: Nils Magne Singelstad synest både barnebarnet Hedda og dei andre elevane på scenen var flinke og kreative.
IMPONERT: Nils Magne Singelstad synest både barnebarnet Hedda og dei andre elevane på scenen var flinke og kreative.
MANGE BEIN: Maria Aline Flatråker Mjølkeråen (t.v.) bydde på snømanndans.
MANGE BEIN: Maria Aline Flatråker Mjølkeråen (t.v.) bydde på snømanndans.
HJARTE: Tirill Uglehus Sundal (nr. to f.v.) og Marte Særsten Stien (midten) hadde øvd mykje på boyband-trinna.
HJARTE: Tirill Uglehus Sundal (nr. to f.v.) og Marte Særsten Stien (midten) hadde øvd mykje på boyband-trinna.
JULESONG: Anni Elise Trondsen Dalland (t.v.) og Anette Myklestad Dalland imponerte salen med vakker musikk.
JULESONG: Anni Elise Trondsen Dalland (t.v.) og Anette Myklestad Dalland imponerte salen med vakker musikk.
PREST: Den norsk-amerikanske oversetjinga skapte latter i salen. Frå venstre Tirill Uglehus Sundal som oversetjar og Karoline Hovdenes Kristiansen som amerikansk prest.
PREST: Den norsk-amerikanske oversetjinga skapte latter i salen. Frå venstre Tirill Uglehus Sundal som oversetjar og Karoline Hovdenes Kristiansen som amerikansk prest.
DANSEGLADE: Maria Aline Flateråker Mjølkeråen, Katherine Steffensdatter Færevaag, Malene Skår Hagen, Oda Skaten Aarbakke og Mari Meland stilte med indiskinspirert dans.
DANSEGLADE: Maria Aline Flateråker Mjølkeråen, Katherine Steffensdatter Færevaag, Malene Skår Hagen, Oda Skaten Aarbakke og Mari Meland stilte med indiskinspirert dans.

Siste saker Gå til framsida

Endeleg sjåførskule på Tysnes

Terje Grahl har drive sjåfør-skule i Bergen i mange år. No bur han på Reksteren og har starta sjåføropplæring også på Tysnes. Interessa har han merka.