RINGER MED BJELLA: Banksjef Dag Sandstå (t.v.) og styreleiar Leif Magne Hovland markerer klokka ni måndag at Tysnes Sparebank er på børs. (Foto: arkiv)
RINGER MED BJELLA: Banksjef Dag Sandstå (t.v.) og styreleiar Leif Magne Hovland markerer klokka ni måndag at Tysnes Sparebank er på børs. (Foto: arkiv)

Sparebanken på børs klokka ni

Børsbjella skal ringa for Tysnes Sparebank i Oslo klokka ni i dag, måndag.
Publisert 18.12.2017 kl. 07.56. Oppdatert kl. 20.13.

Det har lenge vore kjent at banken skal bli notert på Merkur Market, som er ein del av Oslo Børs. Det skal gjera det lettare å handla eigenkapitalbevis i banken. Fleire andr bankar er også med i Merkur Market. Før han skal ringa i bjella, seier styreleiar i banken, Leif Magne Hovland, at det er med glede dei når denne milepælen med børsnotering.

Banksjef Dag Sandstå skal også halda i børsbjella klokka ni, og han meiner børsnoteringa blir ein fordel for både dei som er medeigarar i banken og for banken. Fire av dei tilsette i Tysnes Sparebank blir også med på markeringa i Oslo Børs, medan dei tilsette i Sunnhordland og Hardanger får kake.

Oslo Børs spanderer frukost på bankfolka og samarbeidspartnarar i børslokala før bjella skal markera at Tysnes er med på børsen.

«Tysnes» har journalist tilstades under markeringa, og me følgjer opp med meir utover måndagen.


Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...