TO KAMPAR: Laurdag spela Jenter 14 mot både Bønes og Fyllingen. Etter topp innsats vart det uavgjort resultat i begge. (Foto: Helga Irene Pettersen)
TO KAMPAR: Laurdag spela Jenter 14 mot både Bønes og Fyllingen. Etter topp innsats vart det uavgjort resultat i begge. (Foto: Helga Irene Pettersen)

Solid innsats av Jenter 14

Årets siste handballkampar for J14 gjekk i Framohallen i Fyllingsdalen på laurdag.
Publisert 19.12.2017 kl. 13.40. Oppdatert kl. 14.38.

Det var ein gjeng spente spelarar, trenarar og foreldre som troppa opp på 08.10-ferja denne morgonen. Dei har gjennom hausten hatt litt varierande resultat, men i kampane i det siste har laget vist særs gode takter. Kunne me klara å slå Bønes som sist? Ville Fyllingen bli for sterke?


Spente jenter

Som seg hør og bør viste GPS’en oss feil, og me fekk oss ein rundtur i nabolaget til Framohallen. Men ein liten rundtur høyrer med når me skal på kamp, og trass i ekstraturen hadde me rikeleg tid til ei god oppvarming, og peptalk i garderoben før kamp. Me skulle spela to kampar med vel ein time mellom, og nokre av jentene måtte difor spela begge desse. Korleis ville det gå?

Spente og tente jenter entra banen mot Bønes 3, og gav alt – og litt til. På førehand var det snakka om «kryss», «ruller», kampplan og plassering. Men det er løye med det, når det kokar som verst, då skal det noko til å halda hovudet kaldt.

Laga låg heilt jamnt til det siste, då drog Bønes frå, og då det stod att tre og eit halv minutt, hadde dei ei fire-måls leiing. Men på mirakuløst vis klarte tysnesjentene faktisk å scora fire mål på tre og eit halvt minutt, og resultatet enda uavgjort, 16-16. Fantastisk!

Jentene viste godt lagspel og gode enkeltprestasjonar, og særleg Brita Austvik utmerka seg ved å klara å kontra og finta seg gjennom til to flotte scoringar i sluttminutta. Godt nøgde jenter innsåg at «det sit mellom øyro», og at dei kunne klara det like godt i neste kamp, om dei berre ville!


Henta krefter

Og det ville dei. Fyllingen fekk hard motstand heile vegen. Men med allereie ein kamp i beina, på fleire av tysnesjentene, var dei ikkje på topp. Trekka fungerte, og alle stod på, men farten var ikkje der.

Men då det nærma seg slutten, fekk me sjå kva desse jentene er laga av. I timeouten kjem det klart og tydeleg at «dette klarar me». Alle gjekk i nedste kjellaren, og henta ut det aller siste dei hadde. Dei gav alt, og resultatet enda uavgjort, 12-12. Nok ein fantastisk innsats! I denne kampen må me trekkja fram Emma Marie Elgsås, som heldt oss inne i kampen med sine utrulege redningar!


Stolte trenarar

J14-laget består av jenter i alderen 12-14 år. Dei har hatt ei fantastisk flott utvikling gjennom hausten, og etter jul vil me vera heilt på høgde med dei andre laga i pulja. Trenarteamet er stolte over utviklinga, og gler oss til fortsetjinga. Godt jobba alle saman!

God jul, helsing trenarteamet!


Siste saker Gå til framsida

– Eldre bør trena styrke

Eldre kan bli like sterke som 20-åringar, viser forskning. Me har snakka med tre godt vaksne tysnesingar som har fått stort utbytte av styrketrening dei siste åra.

Lesarbrev: Omsorg, skule, barnehage, pengar og slikt…

Me har nett før jul landa eit einstemmig budsjett i Tysnes kommunestyre. Diskusjonen fram mot vedtak gjekk føre seg i sømelege former, og det kom ikkje til store sverdslag. Det eit godt teikn at me som syslar med lokalpolitikk er einige i ei slik viktig sak. Me har lagt investeringsplanar som kommunestyret stort sett er einige om, og driftsbudsjettet er lagt fram og vedtatt utan stort...

Lensmannen dansa på sjukeheimen

Songgruppa «Fjordablæst» underheldt på sjukeheimen laurdag ettermiddag, og det var svært populært både blant dei som bur der og besøkjande.