TIL GJERSTAD: – Det er berre å gle seg til å oppleva Susanne Sundfør på Tysnesfest, årets popartist 2015 har mykje å by på, freistar dagleg leiar i Tysnesfest, Øystein Vaage. (Foto: Raphael Chatelain)
TIL GJERSTAD: – Det er berre å gle seg til å oppleva Susanne Sundfør på Tysnesfest, årets popartist 2015 har mykje å by på, freistar dagleg leiar i Tysnesfest, Øystein Vaage. (Foto: Raphael Chatelain)

Stjerna Susanne og unge rebellar

Susanne Sundfør er neste store kvinnelege artist som er klar for Tysnesfest 2018. Fredag 13. juli inntek popdronninga scenen på Gjerstad arena.
Publisert 20.12.2017 kl. 18.59.

Med seg i bagasjen har ho fleire spelemannsprisar, seinast frå 2015 då artisten frå Haugesund like godt sikra seg tre av det slaget: årets popsolist, årets produsent og årets album. Sistnemnde med tittel «Ten Love Songs».

– Me er utruleg stolte over endeleg å få napp hos eit av Noregs største popnamn, seier dagleg leiar Øystein Vaage i Tysnesfest.

Frå før har han sikra seg Kari Bremnes, som skal spela på Solstråleøya, og Gåte med Gunnhild Sundli som frontfigur saman med broren Sveinung.


Stor kunst

«Dette er stor kunst. Stemmen til Susanne Sundfør er bedre enn noensinne», slo BT sin meldar fast etter Sundfør sin utselde konsert i Grieghallen i september.

No er det utearenaen på Gjerstad som ventar den allsidige artisten, som har spelt både jazz og klassisk. Etter kvart har ho kopla på mange element frå elektronika, og tekstane hennar handlar ofte om personlege opplevingar. – Det er berre å gle seg til å oppleva Susanne Sundfør på Tysnesfest, årets popartist 2015 har mykje å by på, seier Vaage.

Han viser til låtar som «Reincarnation», «Kamikaze», «Undercover» og «The Brothel».


Brylkrem

Vestlandet dominerer på sleppelista denne veka. Tysnesfest held seg i Hordaland for resten av artistane dei presenterer. Spranget er ikkje stort reint geografisk frå Haugesund og Susanne Sundfør til Voss og The Vossa Rebels, men musikalsk er det langt mellom dei. Ungdommane frå Voss, dei er i alderen 13 til 17 år, har henta inspirasjon frå ei tid der stil og brylkrem betydde alt. Kvartetten Sondre Hegg (gitar), Eivind Dæmring Styve (trommer), Sondre Demring Styve (kontrbass) og Jakob Sjøtun (rytmegitar) skriv låtane sine sjølve, og held seg til rockabillystilen.

– Me såg bandet for første gong på bransjetreffet 100 dagar på Stord i fjor, og fekk verkeleg kjenna på kroppen kor energiske og rå dei unge karane er. Det passa dessverre ikkje inn i deira plan å koma til Tysnesfest 2017, men no er me glade for å ha dei på plakaten, seier Vaage.

The Vossa Rebels har vore med på Norske Talenter, spelt på Balejazz, og i sommar gjorde dei ein strålande konsert på Fest i Vest i Sagvåg. Og på Bluescruiset på Skånevik bluesfestival.


Festcountry

Neste band ut kjem frå Sotra, og leverer festcountry med ei blanding av hav, olje og kruttslam. Slik presenterer Sotra-bandet Gardsbruk seg sjølve. Dei spelar country på dialekt, og tekstane speglar livet i bygde-Noreg. Gardsbruk er plateaktuelle med albumet «Møtting», og har meir enn ein million straumingar på Spotify. Til sommaren tek dei turen over fjorden og blir med på Tysnesfest.

Miss Tati er fødd i Portugal, men foreldra er frå Senegal. Ho flytta til Bergen som tiåring, og har vore eit velkjend namn på konsertar og festivalar i fleire år.

– I april i fjor varma ho opp for Sondre Lerche på Tysnesfest sin kickoff, og hennar opptreden der gjorde at me der og då ba ho koma tilbake i 2018. Det gjer ho, så endeleg er Bergens eiga, multikulturelle popdronning klar for Tysnesfest, fortel Øystein Vaage.


Går unna

Han har fleire artistar på vent, men seier seg nøgd med programmet så langt.

– Me har fått på plass om lag helvta av artistane me skal ha, og publikum har alt mykje å gle seg til. Så langt har me selt fleire festivalpass enn på same tid i fjor, billettane til Kari Bremnes på Solstråleøya går unna, og det bør vera ei fin julegåve og gleda andre med billettar til ei eller fleire opplevingar på Tysnesfest 2018, oppmodar den daglege leiaren.


STADIG MEIR POPULÆR: Miss Tati har etter kvart blitt eit velkjend namn på konsertar og festivalar. (Foto: Øystein Haara)
STADIG MEIR POPULÆR: Miss Tati har etter kvart blitt eit velkjend namn på konsertar og festivalar. (Foto: Øystein Haara)
FRÅ VOSS: The Vossa Rebels har vore med på Norske Talenter, spelt på Balejazz, og i sommar gjorde dei ein strålande konsert på Fest i Vest i Sagvåg. (Pressefoto)
FRÅ VOSS: The Vossa Rebels har vore med på Norske Talenter, spelt på Balejazz, og i sommar gjorde dei ein strålande konsert på Fest i Vest i Sagvåg. (Pressefoto)
COUNTRY PÅ DIALEKT: Gardsbruk er plateaktuelle med albumet «Møtting». (Pressefoto)
COUNTRY PÅ DIALEKT: Gardsbruk er plateaktuelle med albumet «Møtting». (Pressefoto)

Siste saker Gå til framsida

Leiar: Ein viktig folkefest for lokalsamfunnet

Tysnesfest 2018 kan gå inn soga som ein av dei beste. Dermed har Tysnesfest lagt eit godt grunnlag for den populære sommarfestivalen. For det er ikkje tvil om at denne folkefesten er viktig for lokalsamfunnet.Publikumsrekorden for 2017 vil bli ståande, i alle fall i eitt år til. I fjor hadde ein over 32.000 på dei ulike arrangementa. I jubileumsåret 2016 var det over 27.000. Såleis er...

Brødristar tok fyr

Fredag føremiddag rykte brannvesenet ut til Peralio, der det hadde byrja å brenna i ein brødristar.