JAZZGRUPPER: Kvar torsdag har dansegruppene i kulturskulen øving under leiing av danselærar Madel Carlsen. På Haaheim fekk dei unge dansarane vist fram det dei har lært i haust. (Alle foto: Lea R. Quistgaard)
JAZZGRUPPER: Kvar torsdag har dansegruppene i kulturskulen øving under leiing av danselærar Madel Carlsen. På Haaheim fekk dei unge dansarane vist fram det dei har lært i haust. (Alle foto: Lea R. Quistgaard)

Dansa jula inn

Dei fekk verkeleg vist kva dei kan, dei 22 unge dansarane som var i aksjon med eit førjulsprogram på Haaheim Gaard.
Publisert 20.12.2017 kl. 17.49. Oppdatert kl. 18.08.

– Det er jo dette me likar, å opptre for publikum. Denne gongen var det foreldre og slekt som fylte salen. Neste store mål er dansens dag 29. april. Då skal me til kulturhuset på Leirvik, og ha eit program saman med Stord kulturskule. Sist det var ei slik tilstelling der var det heilt utseld og folk måtte snu i døra, så eg håpar dei som vil sjå dansarane i aksjon i den kulturelle storstova på Stord til våren er ute og sikrar seg billett i god tid, seier Madel Carlsen.


Dans her og der

Ho er danselærar for eit 60-tals elevar på Stord, og for dei 22 unge tysnesingane som viste fram dansedugleiken på heimebane.

– Det er berre jenter med, så ha det hadde vore triveleg om det kom nokre gutar og ville ta del i dansinga. Me har det kjekt i lag, og eg trur det kan bli eit endå større miljø enn det me alt har. Gjengen i alderen fem til 13 år som var i aksjon no like før jul, møtest til dans ein gong i veka. Kvar torsdag er me i sving på SvingenPuls, og det er det me har øvd på der som stod programmet som blei vist fram for foreldre og andre sist veke, fortel Madel.

40 stolar var sett fram på førehand, det kom fleire enn som så.


Barneballett

– Dei to eldste gruppene er jazzgrupper, dei viste fram musikaldans, den yngste gruppa barneballett, forklarer danselæraren frå Stord, no busett på Tysnes der ho har hatt undervisning i dans i nesten to år.

– Ein del av dei som dansa jula inn kom med i haust, andre har vore med heile tida. Det er flest frå bygdene Uggdal og Våge, men alle er sjølvsagt like velkomne. Og som sagt; det kan gjerne ta til nokre gutar, seier Madel Carlsen.


FLINKE BORN: Dei yngste dansarane frå kulturskulen på Tysnes i aksjon under danseframsyninga på Haaheim sist veke.
FLINKE BORN: Dei yngste dansarane frå kulturskulen på Tysnes i aksjon under danseframsyninga på Haaheim sist veke.

Siste saker Gå til framsida