Tysnesfest plasserte container på Presteskjæret

Festivalen kan i 2018 tilby overnatting for 300 gjester i det nye podtell-konseptet. I samband med lanseringa stilte Tysnesfest med eit storstilt reklamestunt i innseglinga til Våge.
Publisert 21.12.2017 kl. 06.00. Oppdatert kl. 14.21.

– Me må vera litt galne for å finna på noko slikt, innrømmer Øystein Vaage, dagleg leiar i Tysnesfest.

Laurdag kom båten Samba og heiste containeren med seg ut på Presteskjæret. Med blikkstille hav og strålande sol, fekk Vaage nokre spektakulære dronebilete.

– Alt var heilt perfekt, fortel han.

Endeleg kunne Vaage sleppa nyheita om at festivalen har inngått eit samarbeid med PodTown.

– Eg har kjempetrua på dette tilbodet, seier han.

Sjå reklamevideoen til Tysnesfest øvst i saka!


Soveplass til 300

Den mobile overnattingsbyen til gründer Eirik Kalve blir å finna på årets Tysnesfest.

20 spesialdesigna containerar, med plass til 16 personar i kvar, skal plasserast på Tysnes under Tysnesfest.

Konseptet er det gründer Eirik Kalve frå Austevoll som står for. Han har nyleg starta opp ei bedrift der han tilbyr overnatting for bedrifter, reiseliv og arrangement.

Tilbodet skal fungera som eit hotell, der gjestene kan låsa seg inn i containeren, med eigne nøkkelkort til sine soveplassar.

«Tysnes» er ein av dei første i verda som har overnatta i PodTown. Les omtalen her.


Container til havs

Både Tysnesfest og Kalve er godt fornøgde med reklamestuntet i helga.

– Det gjekk over all forventning, med tankte på frakt og alt. Det var litt for lett. Forsvinnande enkelt eigentleg, seier Kalve og smiler.

Den dyrebare lasta står no trygt heime i Austevoll, utan ei skramme. Prototyp-containeren, som har vore plassert i Våge den siste tida, fekk seg ein liten luftetur i helga. Dei har venta på finvêr for å kunna ta containeren med ut til fyret ved Presteskjæret, ved logoen til Tysnesfest.

Den første idéen var å filma containeren på toppen av Tysnessåto, men det skulle bli vanskeleg å realisera grunna prisen.

– Det er berre eitt helikoter i Norden som kan gjera den jobben, og å leiga det kosta 80.000 kroner timen, fortel Vaage.

Då fekk Kalve sin idé om Presteskjæret gjennomslag.


Ferdig seng

– PodTown er ei alternativ overnatting til folk som ikkje er gira på å liggja i telt. Når dei vil sova, kan dei koma til ei komfortsone, forklarer Kalve.

Her slepp ein å dra med seg soveposar og telt. Ein kan heller koma til oppredd seng.

Gründeren er sikker på at festivaldeltakarane skal få seg ei god natt søvn i container-landsbyen.

Prisen for ein singelpod (200 x 100 x 95 cm) skal liggja på 599 kroner natta og 999 kroner natta for ein dobbelpod.

Dei 20 nye podtella blir leverte frå produsenten i Asia i april. Tysnesfest er eitt av fem arrangement Kalve skal vera på i innkjøringsåret 2018. Han er den einaste i verda som har plassert ei slik overnattingløysing i ein container.


Plassering

Eit av dei største spørsmåla ved PodTown sitt samarbeid med Tysnesfest, er kor ein skal plassera 20 containerar.

– Me har nesten fått på plass ein avtale, seier Vaage, som ikkje kan avsløra den endelege plasseringa enno.

Men han lovar shuttlebuss til festivalområdet, slik som det er på campen.

Om ikkje lenge vil Tysnesfest leggja ut billettane til overnattinga for sal.


LØFTET: Her blir overnattings-containeren til Eirik Kalve flytta ut på Presteskjæret. (Dronefoto: Øystein Vaage/Video over: Tysnesfest)
LØFTET: Her blir overnattings-containeren til Eirik Kalve flytta ut på Presteskjæret. (Dronefoto: Øystein Vaage/Video over: Tysnesfest)
NØGD GRÜNDER: Eirik Kalve gledar seg til at festivalgjestene på Tysnesfest skal på teste overnattinga i PodTown. (Foto: Ingunn Gjærde)
NØGD GRÜNDER: Eirik Kalve gledar seg til at festivalgjestene på Tysnesfest skal på teste overnattinga i PodTown. (Foto: Ingunn Gjærde)
PRESTESKJÆRET: Vêret kunne ikkje vore betre, då Tysnesfest gjennomførte reklamestuntet ved innseglinga til Våge. (Dronefoto: Øystein Vaage)
PRESTESKJÆRET: Vêret kunne ikkje vore betre, då Tysnesfest gjennomførte reklamestuntet ved innseglinga til Våge. (Dronefoto: Øystein Vaage)
UTSIDA BEDRAR: Innhaldet i containeren til Eirik Kalve (t.h.) kan overraska mange. Her i samtale med Øystein Vaage i Tysnesfest. (Foto: Ingunn Gjærde)
UTSIDA BEDRAR: Innhaldet i containeren til Eirik Kalve (t.h.) kan overraska mange. Her i samtale med Øystein Vaage i Tysnesfest. (Foto: Ingunn Gjærde)
SAMBA: Ferja Samba hjelpte til med frakteoppdraget. (Dronefoto: Øystein Vaage)
SAMBA: Ferja Samba hjelpte til med frakteoppdraget. (Dronefoto: Øystein Vaage)

Siste saker Gå til framsida

Tysnes kommune middels bra på openheit

Pressen offentlighetsutvalg har granska openheita i norske kommunar, og resultata viser at Tysnes kommune gjer det middels godt. Undersøkinga baserer seg på korleis eit innsynskrav vert handtert, kor tilgjengeleg viktig informasjon er på kommunane sine heimesider, og på eit spørjeskjema som kommunane sjølve har svara på. Der høgast moglege poengsum er 30,5 poeng, og lågaste minus 13...

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...