I PEPARKAKEBYGDA: Juleborn ventar på Skyss-bussen til Onarheim.
I PEPARKAKEBYGDA: Juleborn ventar på Skyss-bussen til Onarheim.

Peparkakebygda Onarheim

Publisert 21.12.2017 kl. 06.00.

Bergen har sin peparkakeby. No har Onarheim fått si peparkakebygd. Utstillinga kan ein sjå på OnarTun.

– Me utfordra både skulen, barnehagen og SFO, og alle kom med bidrag, seier dei to butikkmedarbeidarane på OnarTun, Anne Britt Onarheim og Ann Helen Helland.

Men også mange andre har levert inn bidrag. Heilt sidan fyrste desember har butikkmedarbeidarane invitert små og store til å levera inn peparkakebidrag til utstillinga på OnarTun.

Søndag ettermiddag var det søndagsope og trekking av vinnarar; tre hovudgevinstar og tre trøystegevinstar vart trekte ut blant dei 15-20 innleverte bidraga.

Desse vann dei tre hovudgevinstane: SFO ved Onarheim skule, Lars Kristoffer Alsaker, og Oda og Sondre H. Hystad.

Dei tre trøstepremiane gjekk til: Jentene i fyrste og andre klasse på Onarheim skule, Frida, Martin og Sivert Smith Skaten, og Henrik og Teodor Røen Hansen.

– Me er svært godt nøgde med oppslutnaden. Det har kome nye peparkakebidrag etter kvart. Det siste kom i dag, søndag. Det var av lavvoen ved Onarheimsvatnet, fortel dei to butikkmedarbeidarane.

Planen er at utstillinga skal stå til over nyttår, til trettande dag jul.




PEPARKAKEHUS: Lillebjørn, og smånissar.
PEPARKAKEHUS: Lillebjørn, og smånissar.
LAVVO: Dette peparkakebyggverket illustrerer lavvoen ved Onarheimsvatnet.
LAVVO: Dette peparkakebyggverket illustrerer lavvoen ved Onarheimsvatnet.
HEILE UTSTILLINGA: Små og store har levert inn bidrag til peparkakebygda. I front ser med lakseoppdrettsanlegget Onarøy, laga av Lars Kristoffer Alsaker.
HEILE UTSTILLINGA: Små og store har levert inn bidrag til peparkakebygda. I front ser med lakseoppdrettsanlegget Onarøy, laga av Lars Kristoffer Alsaker.

Siste saker Gå til framsida

Pernilla sette ny pers

Fredag sprang Pernilla Eugenie Epland 3000 meter på Tyrvinglekene på Nadderud. Tida 9,30,84 gav ho 4. plass, og ei forbetring av den personlege rekorden hennar med 2,5 sekund.– Løpet var greitt, det var mykje vind på Nadderud, men eg fekk meg ei «klynge» å springa i, fortel Pernilla til «Tysnes». Etter kvart gjekk det litt seint, og ho ville forbi. Då måtte ho nesten ut i bane 3...

Fire Hordfast-alternativ på anbod

Måndag lyste Statens vegvesen ut anbod for planlegging av ny bru på E39 over Bjørnafjorden. To selskap skal få jobben med å parallelt sjå på fire alternativ for ei ny flytebru. Alternativa er: 1. Flytebru i boge, berre forankra på land på begge sider. 2. Flytebru i boge forankra på begge sider, men med forankringar som kan aktiverast ved katastrofe. 3. Rettlina flytebru...