RYKTE UT: Politiet fekk melding om raset på fylkesveg 83, fredag morgon, fortel Atle Birkeland. (Arkivfoto: Ingunn Gjærde)
RYKTE UT: Politiet fekk melding om raset på fylkesveg 83, fredag morgon, fortel Atle Birkeland. (Arkivfoto: Ingunn Gjærde)

Ras på Reksteren

Éin kubikkmeter stein raste fredag ut i vegbanen ved Frøkedalsvatnet på Reksteren.
Publisert 22.12.2017 kl. 15.44. Oppdatert kl. 15.59.

– Det hadde falle ned stein midt i vegbanen i løpet av natta, fortel Atle Birkeland, politibetjent ved Fusa og Tysnes lensmannskontor.

Politiet fekk melding om hendinga frå forbipasserande trafikantar klokka 8.30 fredag morgon.

– Vegen har blitt rydda og er open, seier Birkeland.


Rydda bort

– Det var fleire steinar som hadde kome ned. Rundt ein kubikkmeter til saman. Det var litt størrelse på dei, seier Rolf Høviskeland i NCC.

Firmaet er ansvarleg for vegvedlikehaldet på Tysnes.

Då Høviskeland kom til staden for å fjerna steinmassane i 9.30-tida, hadde allereie bilistar skyvd steinane ut av vegbanen, for å kunna passera.

– Me vurderte at det ikkje er nokon umiddelbar fare for at meir stein skal koma ned, seier Birkeland, etter at politiet hadde vore på staden.


Ingen skade på vegen

Det skal ikkje ha blitt nokon skade på vegbanen etter raset.

– Steinane hadde kome ned frå ei fjellskjering, tre-fire meter ovanfor vegen, seier Høviskeland.

Saka er meld inn til Statens Vegvesen.

Ingunn Gjærde


Siste saker Gå til framsida

REKO-ring også i Sunnhordland

I februar i fjor skreiv «Tysnes» om den relativt nye distribusjonskanalen REKO-ring, der lokale matprodusentar kan leggja ut produkt for sal i Facebook-grupper, og enkelt knytta kontakt med kundar i til dømes bergensområdet. Tysnesbøndene Irene Dalland, Lucianne Rijpkema og Nynke van Schaik har vore...

Klart for nyttårsshow neste veke

I fjor blei juleshowet til 10.-klasse ved Tysnes skule utsett til over nyttår. No er det snart klart for show.Torsdag 31. januar og fredag 1. februar er det duka for nyttårsshow i Vonheim i Våge.Førehandssal av billettar vil finna stad på Joker Uggdal, Joker Onarheim, Bunnpris Lunde og Tysnes Blomster & Interiør.Fredag 1. februar kan ein berre kjøpa billettar hos...