JULETREFEST: Onsdag kveld var det juletrefest i Amland bedehus. Her frå juletregangen. (Foto: Oddvar Thuen)
JULETREFEST: Onsdag kveld var det juletrefest i Amland bedehus. Her frå juletregangen. (Foto: Oddvar Thuen)

Juletrefest i Amland bedehus

– Etter at juletrefestane på Amland starta opp att, har me teke turen dit kvart einaste år i lag med borna våre, seier Oddvar Thuen, no busett i Våge.
Publisert 28.12.2017 kl. 13.08.

Han synest det er kjekt å kunna ta turen til Hålandsneset på julefest, bygda der han sjølv vaks opp. Då Oddvar Thuen budde i Færavåg i barneåra, var det alltid juletrefest i bedehuset på Amland.

– Det var alltid stas å vera med på juletrefest, mimrar han.

No er Oddvar og familien busett i Vågsmarka, men juletrefestane på Amland fører han vidare i lag med sin eigen familie.

– Det er ikkje så mange juletrefestar som blir skipa til no, så difor tek me turen. Borna synest det er veldig kjekt å vera med, seier han.

Solbjørg Haaland er medansvarleg for juletrefesten i år, som medlem av styret i Amland bedehus.

– Det var god stemning, og me som var der koste oss. Ein god del folk var det og, frå to til åtti år, seier ho nøgd.

Dei fleste som tek turen er fastbuande i Hålandsneset.

Ho tykkjer det er ein fin tradisjon med juletrefest i bedehuset på Amland.

Programmet er stort sett det same kvart år.

– Det blir mykje juletregang, og det er kjekt, seier ho.

Nissen tok også turen. På programmet elles stod quiz og tale av Kirsten Nesse.

Ei god matøkt med heimelaga kringler, julebrød og påsmurde snittar er også eit viktig innslag på slike samkomer.


Siste saker Gå til framsida

Debatt: El-bilar og betaling på innanriksferjer

Til å byrja med, var el-bilar fritekne for betaling på riks- og fylkesvegferjer. Ein løyste då berre billett for føraren av bilen. Dette vart det ei endring på i 2016/2017.Då vart det vedteke at el-bilar skulle betala for seg på lik linje med andre bilistar. Men dei skulle berre betala 50 prosent av vanleg biltakst. Og då var føraren inkludert i prisen. Men dei som brukte...