GÅVMILDE TYSNESINGAR: Her tel Linda Lilleheie Trana (t.h) opp bøssene frå Onarheim, 22. oktober i haust. (Arkivfoto)
GÅVMILDE TYSNESINGAR: Her tel Linda Lilleheie Trana (t.h) opp bøssene frå Onarheim, 22. oktober i haust. (Arkivfoto)

183.406 frå Tysnes til TV-aksjonen

Det endelege resultatet frå TV-aksjonen er no klart.
Publisert 28.12.2017 kl. 10.04. Oppdatert kl. 14.40.

Sluttresultatet frå Tysnes vart kr. 183.406,-. I heile landet vart det samla inn vel 243 millionar kroner.

– Dette er heilt fantastisk. Med desse pengene skal me hjelpa rundt ein halv million born som lir under krig og konfliktar. Eg er så takknemleg, seier Camilla Viken, generalsekretær i UNICEF Norge.

Med 183.406 kom Tysnes på 89. plass av 427 kommunar. I gjennomsnitt gav tysnesingane kroner 64,42 pr. innbyggjar. Landsgjennomsnittet er på kr 45,66.

Tysnes kom på 9. plass blant dei 33 kommunane i Hordaland.

Morgonen etter TV-aksjonssendinga på NRK var innsamla sum 223 millionar. I tida etter har det kome inn endå meir penger, mellom anna frå skuleløp og andre aktivitetar.

– Me har jobba iherdig med oppteljing og registrering av bidrag, og er strålande nøgde med dette overveldande resultatet, fortel aksjonsleiar Vibecke Østby. Både privatpersoner, næringsliv, foreiningar og skular har halde fram med å gje sjølv om aksjonen er over. Det viser eit genuint engasjement for saka, seier ho.

Gjennom årets TV-aksjon får endå fleire born den skulegangen dei har rett på.


Siste saker Gå til framsida

Kors, vaflar og fotball-VM på Solstråleøya

– Det var ein nydeleg vêrdag, med fin temperatur. Me fekk flott skyss frå Våge i Mor Di, skøyta til Patrick Madsen.Dette seier Hans Ole Dalland, om friluftsgudstenesta på Solstråleøya søndag.Vidare kan han fortelja at nokre av deltakarane kom roande frå Lunde – og nokre kom verkeleg langvegsfrå:– Eit ektepar frå Minnesota var på Tysnesferie, og fekk oppleva den flotte...

Sluttar som drosjesjåfør

– Eg har tenkt lenge på dette, fortel Elin Borgen.Det er ikkje vanskeleg å skjøna at dei fleste kjenner den sympatiske drosjesjåføren. Over halvparten av bilistane som passerer, vinkar til Borgen, i det ho møter «Tysnes» langs vegen i Uggdal.