SÅTEFJELLET: Nok snø til å gå på ski, men brakabuskane stikk opp or snøen. (Alle foto: Ketil Skjolde)
SÅTEFJELLET: Nok snø til å gå på ski, men brakabuskane stikk opp or snøen. (Alle foto: Ketil Skjolde)

Gjekk på ski frå Solheimdalen til Såtefjellet

Det er snø i fjellet på Tysnes. I går torsdag spente Ketil Skjolde på seg skia på parkeringsplassen i Solheimsdalen og gjekk på ski til foten av Tysnessåto.
Fredag kom det meir snø.
Publisert 29.12.2017 kl. 10.56. Oppdatert 30.12.2017 kl. 09.28.

– Litt lite snø var det ein del stadar, men frå toppen av Borgabrekko og inn mot Grovatnet var det kjempefint føre. Det same var det opp lio frå Grovatnet til Såtefjellet, fortel Ketil på telefonen til «Tysnes» fredag føremiddag.

– Kanskje blir det ein skitur til fjells i dag og. Nett no snøar det tett på Onarheim, seier han.

Frå parkeringsplassen på Skjolda og innover mot Løkjen var det hardt underlag og litt lite snø. Oppe på Såtefjellet var det blåse av ein del stadar, og enkelte stadar lite snø der og. Der var det og ein del fokksnø og skare som ein gjekk gjennom.

– Dei som skal ta turen, bør bruka ski som ein ikkje er redd for, og som tåler å få ei skramme, seier han.

I skianlegget er det og såpass med snø at det er mogeleg å gå rundt traséen, men enno for lite til å køyra scooterspor.

Turen på torsdag var den tredje skituren til Ketil Skjolde til Såto i desember.


Finare fredag

Ketil Skjolde tok også turen fredag.

– Då var det kome fem centimeter nysnø, og endå finare, melder han.

Laurdag morgon melder Onarheim Idrettslag at det er køyrt scooterspor i lysløypetraseen, og at det stort sett er fine forhold for ein skitur. Litt lite snø enkelte plassar.Ole Skaten




TYSNESSÅTO I ROMJULA: Frå Ketil Skjolde til skitur til toppen av Tysnessåto torsdag.
TYSNESSÅTO I ROMJULA: Frå Ketil Skjolde til skitur til toppen av Tysnessåto torsdag.
PÅ TOPPEN: Utsikt frå Såto mot Hovlandsnuten.
PÅ TOPPEN: Utsikt frå Såto mot Hovlandsnuten.
STEMNINGSFULLT: Frå Såtefjellet.
STEMNINGSFULLT: Frå Såtefjellet.
SOLNEDGANG: Frå lia ovanfor Grovatnet. Utsikt sørover mot Dalsetervatnet og Solheimsdalen.
SOLNEDGANG: Frå lia ovanfor Grovatnet. Utsikt sørover mot Dalsetervatnet og Solheimsdalen.

Siste saker Gå til framsida

Lesarbrev: Hugs valdagen den 9. september

Det er ei dårleg demokratisk innstilling å ikkje stemma ved eit val. Same om du er noko ueinig med dei ulike partia, så er det alltid eit parti det kan vera greitt å gje si stemme til. Me i Tysnes FrP meiner me har eit godt valprogram, som seier noko om det som må bli betre i Tysnes kommune.Tysnes FrP er svært opptatt av at det ikkje må bli reduksjon i talet på ferjeanløp til og frå...

Klar for kommunal praksis

Jon Agnar Leirvik skal det neste halve året bu og arbeida på Tysnes, som ein del av statsvitskapsutdanninga.