TAKKSAM:  - Alle burde eigentleg få ein blom i jula, seier Patrick Madsen når han får juleblomen frå «Tysnes». (Foto: Camilla Korsnes).
TAKKSAM: - Alle burde eigentleg få ein blom i jula, seier Patrick Madsen når han får juleblomen frå «Tysnes». (Foto: Camilla Korsnes).

– Patrick er ein som bryr seg om andre

Anne Beate Hope meiner eigaren av Mandelhuset fortener ein juleblom.
Publisert 30.12.2017 kl. 12.00.

– Det er kjekt at Patrick (Madsen, red.merk) får juleblom. Eg tenkte på han med ein gong dåke i «Tysnes» etterlyste tips til tysnesingar som fortener ein blom, seier Hope på telefon til «Tysnes».

Ektemannen til Hope er frå Tysnes, og dei to flytta frå Stavanger til det som har vore ferieparadis i 30 år, for vel eitt år sidan.

Hope omtalar Patrick Madsen som ein som alltid er i godt humør, gjev av seg sjølv og tek seg tid til å slå av ein prat.

– Han bryr seg om andre, og ser det beste i alle. Det er fine eigenskapar. Sjølv om eg ser han er travel, stoppar han alltid opp for å seia hei, seier Hope, som er på veg heim til «Tysnes», etter å ha vore på juleselskap i oljehovudstaden.


– Hyggjeleg

Ho legg vekt på at Patrick gjev andre høve til å bløma på Mandelhuset gjennom kunst og musikk. Mellom anna har dottera hennar, Inger Lise Hope, hatt konsert på Mandelhuset fleire gongar.

«Tysnes» møter Patrick på Madelhuset, der han som eigar brukar mykje tid heile året.

– Dette er veldig hyggjeleg! Alle burde eigentleg fått ein blom i jula, seier han, når me overrekkjer blomen.


Styrmann

Patrick er utdanna bilmekanikar og styrmann, og kjøpte Mandelhuset for 12 år sidan for å ta vare på siste den serveringstaden på øya.

– Hovudmotivasjonen for å blir styrmann, var at eg visste at eg kunne bu på Tysnes med ein sånn jobb. Eg ville aldri meir flytta frå øya, seier han.

I sommar slutta han som styrmann for å jobba heiltid på restauranten, som han har eigd heilt sidan han var 18 år.

– Det er blitt ein livsstil. Det er veldig givande og kjekt å vera ein del av Mandelhuset. På den måten har eg mykje kontakt med folk gjennom julebord og selskap, seier han.

– Det blir også kjekt å vidareutvikla staden, slik at det framleis blir ein bra stad for Tysnes og turistar, i tillegg til ein god arbeidsplass, seier Patrick.


Jul hjå svigers

I jula har Mandelhuset vore ope, og ifølgje eigaren var det mykje folk både fyrste og andre juledag. Andre juledag var det dans med rundt 100 gjester. Fredag skal det vera quiz på Mandelhuset, og også laurdag held restauranten open.

Litt julefri har han likevel fått. Julaftan feira Patrick hjå svigerfamilien på Tysnes. Der stod pinnekjøt på menyen. Nyttår skal han vera med på ei privat feiring på Økland.

– Det blir ei stille og fin nyttårfeiring, seier han.

– Etter jul tek kjøkenet ein litt lang og forseinka juleferie fram til 25. janauar. Fram til det er det puben som har ope, seier Patrick.


Siste saker Gå til framsida

Ådnastegen lokkar to- og firbeinte til fjells

Stølen på Ådnastegen har vore brukt i lange tider. Enno ligg der åtte små sel og to noko større hytter. Juniane Vevatne Lunde (32) gjekk dit ofte som liten, og no fører ho og mannen Matthias Tønnessen tradisjonen vidare med borna sine.