VEGSATSING: Hordfast er eitt av tre store riksvegprosjekt som Hordaland fylkesting vil ha rask framgang på.
VEGSATSING: Hordfast er eitt av tre store riksvegprosjekt som Hordaland fylkesting vil ha rask framgang på.

Fylket vil ha fart på tre store riksvegprosjekt

Publisert 30.12.2017 kl. 06.00.

Hordaland fylkesting ber om at det vert lagt vekt på rask framdrift i planprossane for prosjekta E39 Stord – Os (Hordfast), E16 Arna – Trengereid og E134 Røldal – Seljestad, slik at oppstart kan skje i tråd med den vedtekne NTP. Vedtaket vart gjort i samband med høyringsfråsegna til handlingsprogrammet for nasjonal transportplan 2018-23.

I uttalen til departementet peikar fylkestinget også på dei store trafikkale utfordringane som har vore på Rv13 i sommar, og meiner at utbetringsarbeidet på strekninga Kinsarvik-Kyrkjeneset må framskundast med oppstart 2018/19. Fylkestinget viser til at situasjonen ved Bu ved Hardangerbrua like ved Rv13/Rv9 har vore ganske kritisk i turistsesongen dei siste par åra både når det gjeld toalettsituasjonen og parkeringsplassar for turistbussar.

Fylkestinget er også uroa over lite midlar til rassikring av riksvegar, og ber departementet sørgja for at det saman med fyrste rullering av NTP vert laga ein nasjonal 12-års plan for sikring av riks- og fylkesvegnettet.


Siste saker Gå til framsida

Leiar: Ein viktig folkefest for lokalsamfunnet

Tysnesfest 2018 kan gå inn soga som ein av dei beste. Dermed har Tysnesfest lagt eit godt grunnlag for den populære sommarfestivalen. For det er ikkje tvil om at denne folkefesten er viktig for lokalsamfunnet.Publikumsrekorden for 2017 vil bli ståande, i alle fall i eitt år til. I fjor hadde ein over 32.000 på dei ulike arrangementa. I jubileumsåret 2016 var det over 27.000. Såleis er...

Brødristar tok fyr

Fredag føremiddag rykte brannvesenet ut til Peralio, der det hadde byrja å brenna i ein brødristar.