MANGE KOM: Vel 100 personar møtte opp då Onarheim bygdalag arrangerte bingo- og pubkveld i romjula. (Foto: Leif Børge Meland)
MANGE KOM: Vel 100 personar møtte opp då Onarheim bygdalag arrangerte bingo- og pubkveld i romjula. (Foto: Leif Børge Meland)

Fyrste bingo på OnarTun

– Det var kjekt å sjå så mange folk frå alle aldersgrupper, fortel arrangør Heidi Røssland frå Onarheim bygdalag.
Publisert 03.01.2018 kl. 18.00.

Bingoen som vart arrangert fredag i romjula blei spelt i tre omgangar. Undervegs i bingospelinga fekk vinnarane premiar.

– Då me var ferdige, var det duka for sosialt samvær og pub, seier Røssland.

– Vel 100 personar var innom arrangementet i løpet av kvelden, fortel ho.


Nytt utstyr

Det er fyrste gong bygdalaget arrangerer bingo- og pubkveld i nyopna OnarTun. Dei hadde også investert i nytt bingoutstyr.

– Kva var det kjekkaste med kvelden?

– Det var kjekt å sjå at så mange kom, og at det var folk i alle aldersgrupper der. OnarTun er eit fantastisk lokale til bingobruk.


Mange arrangement

Om bygdalaget skal gjenta suksessen med bingokvelden, har dei førebels ikkje diskutert ferdig.

– Men me tenkte kanskje at me kunne ha eit liknande arrangementet fire gongar i året, ein gong i jula, ein gong til påske, ein gong om sommaren og ein gong om hausten, forklarar Røssland.

– Me har også lyst å laga bingo for familiar, seier ho.


Basar i februar

Dei faste planane for nyåret er basar i februar.

– Me har også pleidd å arrangera julegrantenning, langfredagtur, jonsokfeiring, og dei siste åra har me arrangert haustfest. I fjor blei den erstatta av 20-årsjubiléet til bygdalaget, seier Røssland.– I fjor gjekk me også 20-30 turar til blåbærhaugen i september og oktober, seier ho.

Onarheim bygdalag har førebels nesten 200 medlemmar.– Blant dei er faktisk ein del hyttefolk. Me ynskjer oss fleire, spesielt ungdomar, forklarar Røssland.


Siste saker Gå til framsida

Fire Hordfast-alternativ på anbod

Måndag lyste Statens vegvesen ut anbod for planlegging av ny bru på E39 over Bjørnafjorden. To selskap skal få jobben med å parallelt sjå på fire alternativ for ei ny flytebru. Alternativa er: 1. Flytebru i boge, berre forankra på land på begge sider. 2. Flytebru i boge forankra på begge sider, men med forankringar som kan aktiverast ved katastrofe. 3. Rettlina flytebru...

Pernilla tok ny pers

Fredag sprang Pernilla Eugenie Epland 3000 meter på Tyrvinglekene på Nadderud. Tida 9,30,84 gav ho 4. plass, og ei forbetring av den personlege rekorden hennar med 2,5 sekund.– Løpet var greitt, det var mykje vind på Nadderud, men eg fekk meg ei «klynge» å springa i, fortel Pernilla til «Tysnes». Etter kvart gjekk det litt seint, og ho ville forbi. Då måtte ho nesten ut i bane 3...