FORTALDE: Berit Amland fortalde legenda om dei tre trea og korleis dei enda opp med å spela ei viktig rolle i livet til Jesus.
FORTALDE: Berit Amland fortalde legenda om dei tre trea og korleis dei enda opp med å spela ei viktig rolle i livet til Jesus.

Nyttårsfeiring med Frelsesarmeen

Fyrste nyttårsdag var den tradisjonelle nyttårsfeiringa arrangert på Jensvoll.
Publisert 03.01.2018 kl. 13.23.

Jensvoll bedehus hadde leigd inn Frelsesarmeen til å stå for programmet.


Tysnesingar

Berit Amland, frå Frelsesarmeen, med ferieplass på Tysnes, ynskte alle velkomne og eit godt nyttår.

– Familien Amland, som er herfrå, har vore her dei siste 20 åra. I år hadde dei rett og slett trong for ei andrekornettstemme, så eg fekk vera med, fortel frelseoffiser Paul William Martin.

Han stod under feiringa for blant anna andakta der han fortalde om sitt forhold til Gud og nyttårsforsetta sine.

Saman med Martin og Berit Amland, var Arne Amland og Kjell Amland med som leiarar av nyttårsfeiringa.


Musikale innslag

Gruppa frå Frelsesarmeen framførte fleire songar både på blåseinstrument, gitar, piano og song. Dei spelte mange tradisjonelle julesongar som publikum var med på, men også utradisjonelle og nyare songar.

Matpause var det og. Halvvegs i programmet var det servert både kaker og kaffi i underetasjen. Etter pausen var der song og gange rundt juletreet.


MUSIKALSKE INNSLAG: Gruppa frå Frelsesarmeen spelte kjende julesongar som publikum var med på å syngja.
MUSIKALSKE INNSLAG: Gruppa frå Frelsesarmeen spelte kjende julesongar som publikum var med på å syngja.
JULETREET: Juletreet under nyttårsfeiringa i Jensvoll bedehus. Det var song og gange rundt treet.
JULETREET: Juletreet under nyttårsfeiringa i Jensvoll bedehus. Det var song og gange rundt treet.

Siste saker Gå til framsida

Markerer TV-aksjonen med fredagskafé

Tysnes skule gjentek suksessen frå i fjor og markerer også i år TV-aksjonen med fredagskafé fredag føremiddag. I fjor var det tett i tett med folk og trangt om plassen i den gamle gymsalen på skulen. I år vert arrangementet flytta til Tysneshallen. – Der blir det kafé og underhaldning for alle som ynskjer å koma, melder inspektør Synnøve Vines til avisa.

Skal arrangera opplæringsjakt på Tysnes

Tysnes Jakt- og Fiskelag skal til helga arrangera opplæringsjakt.– Me er så heldige at me har fått tak i opplæringsterreng her på øya, og me er også så heldige at me skal arrangera opplæringsjakt i regi av Norges Jeger- og Fiskerforbund, fortel leiar i Tysnes Jakt- og Fiskelag, Bjarte Erstad.Fredag kveld er sett av til informasjon. Sjølve jakta vil føregå laurdag og søndag. Det...