TOME SOKKAR: Kanskje var det noko i sokkane nærare jul?
TOME SOKKAR: Kanskje var det noko i sokkane nærare jul?

Verdas mest julete busskur står på Flatråker

Eit julepynta busskur på Flatråker har gleda mange, både dei som nyttar busskuret medan dei ventar på bussen, men også dei mange som har køyrt forbi.
Publisert 11.01.2018 kl. 13.45.

Familien Bakken Thunold på Flatråker tok advent på alvor. Advent tyder eigentleg «Herrens kome», og adventstida markerer ventetida til jul. I busskuret ventar ein vanlegvis på at bussen skal koma, men her vart ein også på ein varm og koseleg måte minna om at jula skulle koma. At busskuret enno er pynta med julelys, julekuler, nissar og mjuke og varme sitjeunderlag i kvitt og raudt er det ingen som klagar på. Me møter ti år gamle Sander Bakkane Thunold ein dag han går av bussen og kjem frå skulen.

– Det er mamma og pappa som har pynta her. Eg visste ikkje om det før eg kom ned ein morgon før jul og skulle ta bussen. Eg synest jo det er både kreativt og fint, smiler Sander.

– Kva har venene dine sagt?

– Dei synest det er stilig. Det er første året dei har pynta slik, men eg trur ikkje det blir siste gongen.

– Nokon seier at jula varer heilt til påske. Trur du denne pynten får henga her så lenge?

– Nei, det gjer han nok ikkje. Men kanskje kan eg pynta det til påske. Det treng jo maling, og gult kunne kanskje vore fint, seier ein fornøgd 5. klassing før han tek skulesekken og ruslar opp mot heimen rett bak det julete busskuret.





LYSER OPP I MØRKRET: Busskuret er lett å leggja merke til heile døgeret.
LYSER OPP I MØRKRET: Busskuret er lett å leggja merke til heile døgeret.
MEDAN ME VENTAR: Sander Bakkane Thunold er svært godt fornøgd med busskuret nedanfor heimen.
MEDAN ME VENTAR: Sander Bakkane Thunold er svært godt fornøgd med busskuret nedanfor heimen.
NISSEN VAR HER: Men han gløymde lua si.
NISSEN VAR HER: Men han gløymde lua si.
VENTAR: Både nissen og Sander ventar på bussen.
VENTAR: Både nissen og Sander ventar på bussen.

Siste saker Gå til framsida

Fylket seier nei til Hordfastaksjar

Hordaland fylkesting seier nei til kjøp av aksjar i Hordfast no. Fylkestinget vil ta stilling til aksjekjøp når ei utgreiing om fylkeskommunen si deltaking i pådrivarselskap ligg føre.Vedtaket i fylkestinget vart gjort mot fem røyster (SV, MGD og Raudt). Desse partia ville saman med Tom Sverre Tomren i KrF seia eit klart nei til fylkeskommunalt aksjekjøp i Hordfast AS.Høgre kom...