SPENTE PÅ TIDA FRAMOVER:  Marianne Elgsås (t.v.), Jeanette Olsen og Øyvind Storli er svært fornøgde med den nye, store baren som er på plass i Tysnes Sjø & Fritid. (Alle foto: Camilla Korsnes)
SPENTE PÅ TIDA FRAMOVER: Marianne Elgsås (t.v.), Jeanette Olsen og Øyvind Storli er svært fornøgde med den nye, store baren som er på plass i Tysnes Sjø & Fritid. (Alle foto: Camilla Korsnes)

– Her skal alle føla seg velkomne

Som ein del av Sjø og Fritid skal Jeanette Olsen og Marianne Elgsås driva pub for eit vakse publikum, og spiseri for alle. Damene vonar å opna i vår.
Publisert 12.01.2018 kl. 15.00.

– Me har gjort litt research på førehand for å finna ut om det er liv laga, og det viser seg at den vaksne generasjonen er svært positiv til ny pub. Dei har sakna dansen som blei arrangert her på 90-talet, seier Olsen.

Ho viser «Tysnes» inn i resepsjonen til Sjø og Fritid. På begge sider av den har ho og Marianne sett opp sofagrupper dekt i svart skinn.

I salen til venstre har dei fått opp ein bar i engelsk stil, og skinnsofaar og mørke trebord er plassert rundt i lokalet. «Kompasset bar og spiseri» er skrive på ei svart tavle.

– Maten i spiseriet skal ha eit greit prisnivå der til dømes ein barnefamilie på fem skal kunne eta seg mette utan å bli ruinert, forklarar Olsen.


Pizza og øl

Dei vonar å opna puben rundt slutten av februar og spiseriet i mai, som skal vera ei Kysten rundt-konsept. Ein stor tv-skjerm står ved resepsjonen, der det ifølgje damene blir høve til å sjå fotballkamp. Eit biljardbord står framføre baren, og Olsen forklarar at dei også har dart tilgjengeleg.

– Me skal ha som mål å alltid ha ope for alle på dagtid. Har postbodet lyst å koma innom å drikka kaffi gjer vedkomande gjerne det, og dersom nokre ynskjer øl og pizza kan dei kjøpa det, seier Olsen.

– Menyen kjem til å bli endra etter kva folk ynskjer, seier ho.

Puben skal vera for vaksne. No har dei skjenkeløyve til 18 år, men vurderer å auka beviligninga til 20 år.

– Det skal vera ein stad for alle, men spesielt ein stad der foreldregenerasjonen skal kunne føla seg velkomne, forklarar Olsen.

– Me tenkjer til dømes primært å spela country og musikk frå tidlegare tiår, samt ha eit fornuftig lydnivå der ein sitja og snakka saman, seier ho.


Framleis utleige

I tilegg til at damene skal driva puben og spiseriet skal dei stå for utleige av leilegheitene og båtane til Sjø og Fritid. På sikt skal dei ha høve til å leiga ut eit selskapslokale i andre etasje i bygget, som har eit maritimt preg.

– Målet er at me skal ta over Sjø og Fritid AS frå Øyvind, seier Elgsås.

I ein startfase satsar dei på å driva staden åleine.

– Me har fått mange førespurnadar om å få jobba her, men me må venta å sjå, forklarar Elgsås.

Det var for om lag eit halvt år sidan at Storli spurde Olsen om ho kunne tenkja seg å ta over Sjø og Fritid.

– Eg hadde bijobb som reinhaldsarbeidar her, og ein dag la Øyvind fram at han ynskte å senda stafettpinnen vidare. Eg nemde det for Marianne ein dag me sat og drakk kaffe, og ho sa me ein gong at ho ville vera med. Ho er heilt avgjerande for at me er her i dag, seier ho, som har teke delar av kokkeutdanninga og er utdanna omsorgsarbeidar.


– Fantastisk kjensle

Olsen trur utdanninga hennar og det at Elgsås er utdanna og jobbar som omsorgsarbeidar, kan komma godt med i arbeidet på Sjø og Fritid.

– Ein må vera driftig for å kunne driva dette vidare. Ein må kunne laga mat, kunne kundebehandling, slå i ein spikar og vita kvar ein kan finna hjelp, seier ho.

Med god hjelp frå familie har dei pussa opp delar av Sjø og Fritid-lokala, og skaffa interiør, mellom anna baren.

– Dei har jobba dag og natt, og gjort ein formidabel innsats, stadfestar eigar Storli.

Han vonar Kompasset blir ein treffstad.

– Folk må kjenna vitjingstida si. Dette skal bli ein triveleg stad å gå, seier han.

– Det er ei fantastisk kjensle at me har kome så langt me har kome, seier Elgsås.


SPISERI MED SJØUTSIKT: I same rom som baren er det sett opp biljardbord og ei rekkje sitjegrupper.
SPISERI MED SJØUTSIKT: I same rom som baren er det sett opp biljardbord og ei rekkje sitjegrupper.
PÅ STELL: Ved baren er både baristamaskin, drikkevarer og glas klare for bruk.
PÅ STELL: Ved baren er både baristamaskin, drikkevarer og glas klare for bruk.

Siste saker Gå til framsida

Leiar: No er det tid for vår-rydding

Vår-temperaturane sette inn for fullt sist veke. Det er godt etter ein lang og kald vinter.På sjønære område har ein den siste tida vore vitne til stille sjø, solvarme frå skyfri himmel og fine vårkveldar.Men i mange av strendene våre, langs dei mange kilometrane med vakker tysneskyst, ligg søppel i store mengder som har samla seg opp gjennom stormfulle haust- og vinterdagar,...

AutoPass på ferjene utsett

AutoPass på ferjene er utsett inntil vidare. Kommunikasjonsrådgjevar i Samferdsledepartementet, Henrik Jonassen, melder at endeleg dato for oppstart enno ikkje er bestemt.