FULL POTT: Hedda Singelstad Kåsa (t.h.) skaut feilfritt på søndag og fekk difor utdelt diamant. Her står ho saman med Ingrid Hansen. (Alle Foto: Kari Hjartnes)
FULL POTT: Hedda Singelstad Kåsa (t.h.) skaut feilfritt på søndag og fekk difor utdelt diamant. Her står ho saman med Ingrid Hansen. (Alle Foto: Kari Hjartnes)

Øvst på pallen to dagar på rad

Tysnesjenta Hedda Singelstad Kåsa har dei siste åra utmerka seg som ein god skiskyttar, og både laurdag og søndag vart ho best i J16-klassen under Gla’Laks Cup på Sjusete i Kvam.
Publisert 17.01.2018 kl. 10.00. Oppdatert kl. 12.20.

– Helga var superkjekk! Målet mitt var å behalda den gule trøya – som leiar av skytecupen for alle 13-16 åringar i Hordaland, og det klarte eg, smiler Hedda til «Tysnes».

Ifølgje resultatlistene var det fem andre jenter i klassen hennar, begge dagane. Hedda var ein av fire utøvarar frå Hålandsdalen IL (HIL) som gjekk til topps i sin klasse på laurdag, då det vart konkurrert i normal, og då sprint stod for tur om søndagen, var ho ein av seks frå HIL som hadde 10 treff (feilfritt) og fekk diamant.

Høvesvis 31 og 34 HIL-utøvarar stilte til start på Sjusete desse dagane.

– Sjusete viste seg frå si beste side, med skinande sol både laurdag og søndag, fortel Hedda, som brukar mykje av fritida si på denne skisporten.

– Eg trenar så ofte eg har tid og kosar meg med det, det kjem litt an på kor mykje skulearbeid eg har.

Allereie til helga ventar neste konkurranse, då skal ho delta i kretsrenn i Vik. Helga etter ventar Kvalfoss-sprinten i Holmenkollen.

– Og i februar blir det både landsdelsmeisterskap i Sogn og hovudlandsrenn i Brummundal, fortel den spreke jenta.



BEST I SIN KLASSE: Både laurdag og søndag trona tysnesjenta øvst på pallen i Gla’Laks Cup på Sjusete.
BEST I SIN KLASSE: Både laurdag og søndag trona tysnesjenta øvst på pallen i Gla’Laks Cup på Sjusete.
TOPP INNSATS: Hedda Singelstad Kåsa i farta.
TOPP INNSATS: Hedda Singelstad Kåsa i farta.

Siste saker Gå til framsida

I dag skal folkejuryen møtast

Det nærmar seg tid for å bestemma nytt fylkesvåpen.I dag, laurdag 18. august skal folkejuryen møtast for å bestemma ti finalistar som går vidare til folkerøystinga, ut ifrå dei 667 bidraga som er sendt inn. Dette skriv Hordaland fylkeskommune og Sogn og Fjordane fylkeskommune i ei pressemelding.Folkejuryen består av ti menneske, i aldrar frå 18-72 år. Seks av dei kjem frå...

LEIAR: Det flytande fylket

Nyleg fekk «Tysnes» tilgang til eit skriv Skyss sende ut til ferjeselskapa i Hordaland. Ifølgje skrivet, er det behov for kostnadskutt i samferdslesektoren. Skyss ber ferjeselskapa om tips til kostnadskutt, og kjem samtidig med nokre eigne forslag.Eit av dei nemnde forslaga, er å kutta i ferjeavgangane. Det er...

Persa seg til bronse i NM

Fredag ettermiddag sprang Pernilla Eugenie Epland 5.000-meter under NM i Friidrett på Byrkjelo. Der enda ho opp på tredjeplass.