NYPREPPA: Frå fredag kveld klokka 18-19 skal lysløypa i Solheimsdalen vera nypreppa og flott, fortel Magne Storesætre. På søndag håpar han på ein like fin dag som ved dette arrangementet. (Arkivfoto)
NYPREPPA: Frå fredag kveld klokka 18-19 skal lysløypa i Solheimsdalen vera nypreppa og flott, fortel Magne Storesætre. På søndag håpar han på ein like fin dag som ved dette arrangementet. (Arkivfoto)

Kom deg ut på søndag

Magne Storesætre lovar topp skiforhold, når Kom deg ut-dagen blir arrangert i Solheimsdalen.
Publisert 19.01.2018 kl. 15.29. Oppdatert kl. 15.36.

– Forholda er dei beste ein kunne håpa på, fortel leiaren i skigruppa til Onarheim idrettslag.

Fredag ettermiddag og kveld blir traséen preppa. Og på søndag skal alt liggja til rette for ein flott dag i skiløypene.

Den norske turistforening fyller 150 år søndag 21. januar, og over heile landet er det små og store arrangement. Organisasjonen lover verdas største utebursdag.


Pølser og buljong

Som seg hør og bør, blir dagen også feira på Tysnes.

– På søndag skal me fyra i bålpanna, servera varm kaffi, buljong, pølser og frukt så langt lageret rekk, seier Storesætre.

Onarheim IL skal ha servering mellom klokka 12 og 14 ved skianlegget ved Løkjen. Før snøfallet fredag var det 30 centimeter snø i området.

– Folk skal få sjå skianlegget på sitt beste, seier Storesætre entusiastisk.

Idrettslaget kjem til å tilby litt skiinstruksjon om nokon ønskjer det, men målet er å få folk ut i frisk luft, i ei litt uformell setting.


Laussnø i terrenget

Vidare innover i fjellet skal det ifølgje Storesætre også vera fine forhold, med mykje laussnø. Men ein bør halda seg unna vatna, då dei ikkje er trygge å gå på, rår han.

Vêrmeldinga fredag ettermiddag viser temperaturar rundt null grader i låglandet i helga. Ifølgje Meteorologisk institutt blir det strålande sol under Kom deg ut-dagen på søndag.

Neste veke kjem mildvêret attende, men fram til då er det moglegheiter for å få seg ein skitur i løypene i Solheimsdalen.

– Det er lys heilt frå parkeringsplassen og i løypene fram til klokka 23 på kvelden, forklarer Storesætre.


Siste saker Gå til framsida

Har fått full finansiering

Leiar i Tysnes hundeklubb, Maren Leite, er strålande nøgd med å ha fått full støtte til å kjøpa inn gjerde til hundeparken på Gjerstad.

Lesarbrev: Frå psykososial rehabilitering til eiga stove i desse dagar

Eg fekk den 23.03.2020 avbrote mitt opphald på Røysumtunet rehabiliteringssenter for epilepsi fleire veker før tida på grunn av auka smittefare for koronaviruset. Dei byrja med å senda heim brukarar som nevrologane vurderte som forsvarleg å senda heim fyrst. I dag er den avdelinga stengd inntil vidare.No har eg vore heime ei lita veka, og hovudet mitt er byrja å tetta seg litt med...

Får selja frukt og bakevarar i lausvekt, men ikkje smågodt

I det ekstraordinære formannskapsmøtet tysdag blei den lokale koronaforskrifta om sal av lausvektsvarer endra. No kan butikkane på Tysnes igjen selja frukt og bakevarer utan å pakka dei inn på førehand. Forbodet mot å selja smågodt i lausvekt blir derimot vidareført.– Då me vedtok denne forskrifta, så såg me for oss varer som gjerne var eksponert for smitte. Og så ser me no at me gjerne...