Fekk vera med besto i skianlegget
– Jaaa, det er veldig kjekt å vera med besto på skitur, seier Markus, i det har tek ein liten pause i skigåinga for at «Tysnes»-journalisten få ta bilete av dei unge og ivrige skiløparane. Rakel smiler breitt når journalisten spør om det er kjekt.
Ivrige er dei ikkje berre oppe på flaten, men og rundt i heile skiløypetraseen.
Bestemor Åse stadfestar at det er blitt mange turar rundt løypa.
Så kjekt var det på skitur i lag med besto, at dei to unge skiløparane har lyst til å ta turen ein dag til.
– Ja, kanskje me får tid til å ta ein tur på søndag og, på «Kom deg ut-dagen», smiler bestemor Åse.
Rakel og Markus Enes bur til vanleg på Kaland.
– Eg går i fyrste klasse på Kaland skole, seier Markus.
Denne helga er dei på helgebesøk hos besten og besto i Våge.
No ventar dei på at besten skal koma til skianlegget også, han måtte på jobb for å sikra straum til dei som bur i Solheimsdalen.
