KLARE PÅ NY: Her er Symra på scenen under Lambasleppet i Kvinnherad i august. Fredag er dei klare att, for scenen på 100 Dagar på Bakeriet Frugård. (Foto privat)
KLARE PÅ NY: Her er Symra på scenen under Lambasleppet i Kvinnherad i august. Fredag er dei klare att, for scenen på 100 Dagar på Bakeriet Frugård. (Foto privat)

Skal opptre på 100 Dagar

Det unge bandet Symra med to av bandmedlemene frå Tysnes, har fått æra av å opna arrangmenetet «100 Dagar» på Stord til helga.
Publisert 24.01.2018 kl. 19.00.

Vokalist i Symra og tysnesing Øyvind Kleppe seier til «Tysnes» at dei gler seg til spelinga på Frugård fredag kveld.

Kleppe er saman med Henrik Epland dei to tysnesingane i bandet.

– Me skal spela fem songar på Frugård, fortel han.

Symra går på scenen på Frugård halv åtte om kvelden.

Det var hausten 2016 fem ungdomar på musikklina på Stord starta gruppa Symra. I tillegg til dei to tysnesingane er det to frå Stord og ein frå Bømlo med i gruppa. Dei tre andre er: Henrik Vatle, Morten Engebretsen Stokke og Ole Martin Hauan.

Gitarist Henrik Vatle er for tida i Sjøforsvaret og kan ikkje vera med til helga. Dei har difor hyra inn Knut Heggdal som reserve.

– Me håpar me får fleire spelejobbar utover året. Me har og planar om å spela inn eit album, seier Øyvind Kleppe.

Det skal skje i ABC-studio i Etne. Dit skal dei allereie i påskeferien, for å spela inn seks låtar. Resten blir truleg til sommaren.

Når dei går på scenen fredag kveld, er det fleire månader sidan sist dei stod på scenen. Det var under Lambasleppet i Kvinnherad i august. Det var der dei sikra seg speleoppdraget på 100 Dagar.


Siste saker Gå til framsida

Klar visjon for nye Tysnes skule

101 millionar for eit nytt skulebygg kan verka dyrt, men Kåre Martin Kleppe (H) og Anne Merete Fjeldstad (Ap) er tydelege på at det er ei investering i framtida.