SKIFØRE: Fredag kveld er det nyoppkøyrde spor i skianlegget. (Foto: Magne Storesætre/OIL)
SKIFØRE: Fredag kveld er det nyoppkøyrde spor i skianlegget. (Foto: Magne Storesætre/OIL)

Nyoppkøyrde spor i skianlegget

Skientusiastar kan på ny spenna på seg skia. Fredag kveld er det nyoppkøyrde spor i skianlegget i Solheimsdalen.
Publisert 26.01.2018 kl. 21.52.

– No er det kjempeflott å gå og veldig god glid i spora i anlegget, fortel Magne Storesætre i Onarheim IL i 21-tida fredag kveld.

Fredag ettermiddag er det kome eit par centimeter med nysnø, som har lagt seg oppå den harde skaren som låg i traseen frå sist helg.

– Den gamle snøen er frest opp med scooter og etterpå er det køyrt sporsetjar, fortel Magne Storsætre.

Det er den mellomste løypa i anlegget som er køyrt opp – med to spor. Denne løypa er kring ein kilometer lang. I traseen nederst mot Løkjen har det kome inn litt vatn. Denne delen av løypa er difor ikkje køyrt opp.

Frå parkeringsplassen og inn til anlegget er det litt lite snø. Det er råd å gå på ski, men det er for lite snø til å køyra spor.


Siste saker Gå til framsida

Ferjeentusiast på bibliotekturné

4. februar kjem forfattar Harald Sætre til Tysnes folkebibliotek med føredraget «Dei kom tilbake – veteranferjer og fjordabåtar i Hordaland».

Leiar: Tysnes bør få meir enn 400.000 i grasrotmidlar

Norsk Tipping har fordelt grasrotmidlane for 2018. Den viser at lag og organisasjonar i Tysnes har fått heile 433.568 kroner inn på bankkontoane sine frå tippeselskapet på Hamar. Det er eit svært bra tilskot til økonomien til ulike lokale lag og organisasjonar i kommunen vår.Det er idrettslaga som ser ut til å...