BRA NOK I DAG: FrP-politikar Magnar Solheim deler ikkje Øystein Dalland sine visjonar om ny skulestruktur. (Arkivfoto)
BRA NOK I DAG: FrP-politikar Magnar Solheim deler ikkje Øystein Dalland sine visjonar om ny skulestruktur. (Arkivfoto)

Lesarbrev: – Skulestrukturen er bra slik den er i dag

Publisert 26.01.2018 kl. 14.00. Oppdatert kl. 21.23.

Kommentar til Øystein Dalland sitt lesarinnlegg 11.01.2018:

Dette innlegget reknar eg med er ei personleg meining og ikkje ei samla meining frå Senterpartiet.

Senterpartiet har stått på barrikadane og vore sterk motstandar av sentralisering og alt det negative slike tiltak ber med seg.

Då er det underleg at ein kommunepolitikar som skal snakka innbyggjarane si sak, nesten vil leggja ned heile skuletilbodet i nokre av bygdene.

Sentralisering er ein bra ting for Senterpartiet altså.

Levande bygder er liksom ein del av ryggmargen i kommunen. Ein ynskjer at folk skal flytta til Tysnes, og då er det viktig at det er gode skule- og barnehagetilbod i nærleiken.

Men Øystein Dalland vil noko heilt anna. Og det må han få lov til å meina.

Skulestrukturen er bra slik den er i dag etter mitt skjønn. Og det viser seg at elevane trivst på nærskulen. I Våge har ein planar om å byggja nytt til mellomtrinnet. Eksisterande bygningsmasse er gammal og treng verkeleg fornyast.

Dette tiltaket vil også løysa ut midlar til fornying av garderobeanlegget til bassenget, som er veldig positivt.

Så eg meiner at kommunen med noverande økonomiplan styrer i riktig retning.

Les også: Lunken mottaking på skuleinnlegg


Siste saker Gå til framsida

I dag skal folkejuryen møtast

Det nærmar seg tid for å bestemma nytt fylkesvåpen.I dag, laurdag 18. august skal folkejuryen møtast for å bestemma ti finalistar som går vidare til folkerøystinga, ut ifrå dei 667 bidraga som er sendt inn. Dette skriv Hordaland fylkeskommune og Sogn og Fjordane fylkeskommune i ei pressemelding.Folkejuryen består av ti menneske, i aldrar frå 18-72 år. Seks av dei kjem frå...

LEIAR: Det flytande fylket

Nyleg fekk «Tysnes» tilgang til eit skriv Skyss sende ut til ferjeselskapa i Hordaland. Ifølgje skrivet, er det behov for kostnadskutt i samferdslesektoren. Skyss ber ferjeselskapa om tips til kostnadskutt, og kjem samtidig med nokre eigne forslag.Eit av dei nemnde forslaga, er å kutta i ferjeavgangane. Det er...

Persa seg til bronse i NM

Fredag ettermiddag sprang Pernilla Eugenie Epland 5.000-meter under NM i Friidrett på Byrkjelo. Der enda ho opp på tredjeplass.