JOBBA GODT: Maria Lillesletten Hagen har hatt ei god utvikling sidan ho byrja på damelaget. Her har ho eit godt målforsøk i 2. omgang.
JOBBA GODT: Maria Lillesletten Hagen har hatt ei god utvikling sidan ho byrja på damelaget. Her har ho eit godt målforsøk i 2. omgang.

Knuste Kjøkkelvik/Mathopen 30-16

Gjestene frå Bergen fekk det tøft mot tysnesdamene fredag kveld.
Publisert 27.01.2018 kl. 12.02. Oppdatert kl. 12.15.

Årets fyrste heimekamp starta bra for Tysnes K05. På null komma niks fekk Thea Sløgedal inn to mål, eitt av dei på straffe. Gjestene reduserte deretter til 2-1, men så nærme kom dei aldri Tysnes igjen.

I mål for Tysnes hadde Lea Sofie Trondsen Dalland mange gode redningar for heimelaget, og i halvsirkelen framføre ho kunne ho stola på godt forsvarsspel frå laget sitt. Svært positivt var det at nesten alle i blå drakter bidrog med scoringar.

Då 1. omgang var ferdig stod det 13-8 på måltavla.

Med Tysnes på 4. plass og samarbeidslaget Kjøkkelvik/Mathopen på 8. plass på tabellen, var det nok store forhåpningar om siger for heimelaget. Og dei mange tysnesingane som utsette fredagstacoen til fordel for handballkamp, trong ikkje å gå skuffa heim.

Målshowet heldt nemleg fram også i 2. omgang, og Tysnes sitt forsprang vaks seg stadig større. Då dommaren bles av kampen var stillinga blitt imponerande 30-16, og heimelaget sikra seg to poeng. Tysnes er framleis på 4. plass i 5. divisjon.

6. februar reiser tysnedamene til Åsanehallen for kamp mot Åsane 2. Og seinare same veka, 10. februar, blir det ny heimekamp, denne gongen mot Fyllingen 4. Begge desse laga ligg under Tysnes på tabellen.

Desse var med: Lea Sofie Trondsen Dalland, Kristin van der Meeren (7), Hannah Rød Halvorsen, Signe Pettersen Opdal (1), Celine Vevatne Lunde (2), Maria Lillesletten Hagen (1), Linn Bergesen (5), Eline Teigland Bakke (1), Thea Sløgedal (11), Sara Reimdal Vee (1), Martine Siglevik Lunde (1), Kristianna Aas Malkenes, Norunn Ebbesvik og Lene Rønning Sævartveit.




HUMORISTISK: – Vent på meg, du må hugsa at eg er blitt ein gammal mann, smilte den 75 år gamle dommaren Johannes Sæhle til Kristin van der Meeren då ho skulle ta straffe.
HUMORISTISK: – Vent på meg, du må hugsa at eg er blitt ein gammal mann, smilte den 75 år gamle dommaren Johannes Sæhle til Kristin van der Meeren då ho skulle ta straffe.
TOPPSCORAR: Thea Sløgedal scora heile 11 mål i kampen mot Kjøkkelvik/Mathopen – tre av dei på straffe.
TOPPSCORAR: Thea Sløgedal scora heile 11 mål i kampen mot Kjøkkelvik/Mathopen – tre av dei på straffe.
PÅ VEG FRAM: Martine Siglevik Lunde planlegg neste trekk i angrep.
PÅ VEG FRAM: Martine Siglevik Lunde planlegg neste trekk i angrep.

Siste saker Gå til framsida