IMPONERTE: Skiskyttarjenta Hedda Singelstad Kåsa (t.h.) sikra seg ein imponerande tredjeplass i Kvalfoss-sprinten i Holmenkollen søndag. Eivor Melbybråten vart nummer to, medan Hanne Johansen sikra seg fyrsteplassen. (Foto: Lars H. Kåsa)
IMPONERTE: Skiskyttarjenta Hedda Singelstad Kåsa (t.h.) sikra seg ein imponerande tredjeplass i Kvalfoss-sprinten i Holmenkollen søndag. Eivor Melbybråten vart nummer to, medan Hanne Johansen sikra seg fyrsteplassen. (Foto: Lars H. Kåsa)

Imponerande 3. plass til Hedda i Holmenkollen

Skiskyttarjenta Hedda Singelstad Kåsa sikra seg ein imponerande 3. plass i Holmenkollen søndag i konkurranse med skiskyttarjenter frå heile landet.
Publisert 28.01.2018 kl. 19.25. Oppdatert kl. 19.30.

– Ja, det var utruleg gøy å gjera det så bra. Dette er nærmast som eit norgesmeisterskap. Her møter ein deltakarar frå heile landet, seier ei svært nøgd Hedda på telefon til «Tysnes» på veg heim frå Oslo.


Beste nokon gong

I år var det tredje gongen Hedda Singelstad Kåsa deltok i Kvalfosspringen i Holmenkollen. I fjor fekk ho ein flott 4. plass. Resultatet i år er den beste plasseringa ho har oppnådd nokon gong på eit landsrenn.

Det var i alt 36 jenter som deltok i 16-års klassen for jenter (K16) i Holmenkollen søndag. Skiskyttarjenta frå Vevatne, som deltek for Hålandsdal IL, sikra seg ein klar tredjeplass med tida 19.11. Ho var med det 53 sekund etter vinnaren Hanne Krokstad Johansen frå Bossmo og Ytteren og 39 sekund bak andreplassen som gjekk til Eivor Melbybråten frå Øystre Slidre.

På fjerdeplass, 19 sekund bak Hedda, kom Christina Rønning frå Lier, medan Astrid Pettersen frå Tromsø og Gro Randberg frå Ivrig kom 25 sekund bak Hedda.

– Kva forventningar hadde du før løpet?

– Eg hadde ikkje så store forventningar på førehand. Forventningane gjekk heller på å gjera mitt aller beste, og konsentrera meg fullt ut om å gjera det bra på standplass og i løypa.


Skaut fullt hus

Berre to av jentene i K16 klarte å skyta fullt hus søndag; Hedda Singelstad Kåsa på tredjeplass og Christina Rønning på fjerdeplass.

Løypa søndag var 6,5 kilometer med to liggjande skytingar. Det var individuell start.

– Eg gjekk roleg ut frå start og hadde tredjeplass inn til skyting. Då hadde eg fokus på å få gode avtrykk på kvar blink. Det fungerte fint. Det gjorde det også på siste skytinga. Det var utruleg gøy å skyta fullt hus i Holmenkollen, seier 16-åringen nøgd.

Med fullt hus sikra ho seg også diplomet «Kvalfoss-nullaren», utdelt av Eirik Kvalfoss under premieutdelinga. Ein flott tredjepremie er også med heim frå Oslo.


Siste saker Gå til framsida

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.

Saknar du sofaputa di?

Denne grøne puta blei tysdag føremiddag observert einsam og forlaten i vegbanen på Onarheimsfjellet. Designet er ikkje siste skrik, så den førebelse teorien er at puta kan ha vore ein del av eit tilhengjarlass, på veg mot den sikre død i Eredalen. Men om nokon likevel skulle sakna puta, kan den hentast hos «Tysnes» i Teiglandsvegen 5. Enn så lenge har den fått ein ny sjanse.

Startar prosessen med grunnkjøp til ny barnehage

Kommunestyret har tidlegare vedtatt å byggja ny barnehage på Onarheim. Totalt sett er kostnadsramma på 36,6 millionar kroner, og allereie neste år har kommunen sett av over 13 millionar kroner til prosjektet i investeringsbudsjettet.I år er det også sett av litt midlar for å koma i gang med prosjektet, og i førre kommunestyremøtet diskuterte politikarane grunnkjøp. Politikarane gjekk...