NYTT NM FOR TUR: Pernilla Eugenie Epland var godt fornøgd med innsatsen under NM i august i fjor, der ho tok 8. plass i eit svært sterkt felt (5000 meter). (Arkivfoto)
NYTT NM FOR TUR: Pernilla Eugenie Epland var godt fornøgd med innsatsen under NM i august i fjor, der ho tok 8. plass i eit svært sterkt felt (5000 meter). (Arkivfoto)

Pernilla klar for NM

Til helga vert NM innandørs i friidrett arrangert i Bærum idrettspark, og Pernilla Eugenie Epland er påmeld på distansen 3000 meter.
Publisert 31.01.2018 kl. 06.00. Oppdatert kl. 12.10.

Nyleg sette ho ny pers på denne distansen under Nornalekene, og tysnesjenta er no spådd som ein mogleg medaljekandidat til NM. Rekorden hennar er på 9.33.25.

– Eg har trent bra, og fekk greie svar etter løpet på Nornalekene sist helg. Målet er pallen, så får me sjå, seier ei spent Pernilla til «Tysnes».

Kring 20 andre kvinner stiller på startstreken i lag med Pernilla, og det er ikkje tvil om at konkurransen vil bli tøff. Til dømes har Maria Sagnes Wågan (Namdal løpeklubb) sprunge inn til sterke 9.19.76 på 3000 meter i vinter.

– Ho vert heilt klart min største konkurrent, seier Pernilla.

Camilla Ziesler (Sandnes IL) er ein annan favoritt, og argentinaren Belen Casetta har sterke 9.25.99 som pers på 3000 meter hinder.

Løpet går av stabelen laurdag ettermiddag.


Siste saker Gå til framsida

Inviterer til foredrag om lyssiv og knappsiv

Laurdag 26. mai er det duka for eit foredrag på skulemuseet om knappsiv og lyssiv – og korleis ein bør gå fram for å bli kvitt dei. Grendalaget i Solheimsdalen har invitert Wiktoria Kaczmarek-Derda, som har skrive doktoravhandling om lyssiv og knappsiv, til å halda foredrag om temaet.– Noko av bakgrunnen er jo mellom anna det eg har sett på mitt eige småbruk på Brekke. Beita mine...