UTRYKKING: Huseigaren får skryt frå brannvesenet, etter pipebrannen på Skorpo torsdag kveld.
UTRYKKING: Huseigaren får skryt frå brannvesenet, etter pipebrannen på Skorpo torsdag kveld.

Såg flammane på utsida

Egil Meland heldt roa, då det byrja å brenna i pipa i huset hans på Skorpo.
Publisert 01.02.2018 kl. 20.39. Oppdatert 06.02.2018 kl. 11.44.

– Det gjekk bra, heldigvis, seier Meland, like etter at brannvesenet har forlete gardstunet hans.

I 18-tida torsdag kveld melde brannvesenet om ein pipebrann i Skorpevegen i Tysnes kommune.

Meland fekk raskt ringt naudnummeret 110, då han opptaga flammane på utsida av pipa.


Får skryt

– Huseigaren har gjort heilt rett, og har fått stengt av trekken, seier Anders Amland, utrykkingsleiar i Tysnes brannvesen.

Då brannbilen var komen fram til Skorpo, hadde flammane trekt seg tilbake.

Amland forsikrar om at det ikkje har vore nokon dramatikk.

– Det heile gjekk roleg og greitt for seg, seier utrykkingsleiaren.

Men det har vore høg temperatur i pipa.


Kontrollert for glør

Pipebrann kan oppstå når beksot eller laust sot tar fyr i skorsteinen.

Det går stort sett bra når det oppstår pipebrann. Spesielt om ein har ei nyare pipe.

– Men varmen kan påverka treverket rundt, åtvarar Amland.

Brannen kan då spreia seg til resten huset. På Skorpo gjekk det heldigvis bra.

– Me har feid pipa, og kontrollert at det ikkje er noko glør, seier Amland.

Før huseigar Meland kan ta i bruk pipa igjen, må han få ein feiar på plass.

Brannsjef Torfinn Kongsvik har tidlegare uttalt at det sjeldan blir meld frå om pipebrannar på Tysnes.

Brannvesenet er berre på slike utrykkingar éin til to gonger i året.


Siste saker Gå til framsida

LEIAR: Det flytande fylket

Nyleg fekk «Tysnes» tilgang til eit skriv Skyss sende ut til ferjeselskapa i Hordaland. Ifølgje skrivet, er det behov for kostnadskutt i samferdslesektoren. Skyss ber ferjeselskapa om tips til kostnadskutt, og kjem samtidig med nokre eigne forslag.Eit av dei nemnde forslaga, er å kutta i ferjeavgangane. Det er...

Persa seg til bronse i NM

Fredag ettermiddag sprang Pernilla Eugenie Epland 5.000-meter under NM i Friidrett på Byrkjelo. Der enda ho opp på tredjeplass.

Pernilla vann med ny pers

Søndag, under Stordleikane, sprang Pernilla Eugenie Epland 1.500-meter. Ho enda opp med både siger og ein ny pers.Tysnesingen sprang inn på tida 4.24,20.Stordleikane var den siste oppkøyringa til NM i friidrett, som går av stabalen til helga.Då skal Pernilla til Byrkjelo i Gloppen og springa 5.000-meter og 10.000-meter.Under NM i fjor fekk ho 8.-plass på 5.000-meter...