BLÅLYS: Naudetatane øvde på samordning og rask respons ved ulike scenario. (Illustrasjonsfoto: Ingunn Gjærde)
BLÅLYS: Naudetatane øvde på samordning og rask respons ved ulike scenario. (Illustrasjonsfoto: Ingunn Gjærde)

Politiøving i Ølve

Saman med brann og helse, blei det onsdag kveld gjennomført ei øving ved Ølve Montessoriskule.
Publisert 01.02.2018 kl. 17.38. Oppdatert 06.02.2018 kl. 11.56.

Sjølv om det var mykje bilar og personell frå naudetatane til stades, var det inga stor ulukke som hadde skjedd i Ølve.

– Politi, brann og ambulanse hadde ei samarbeidsøving, forklarer Knut Olav Myklebust, koordinator for operativ trening i Hordaland geografiske driftseining.

For å vera best mogleg førebudd på ulike situasjonar, var lokalt innsatspersonell samla til felles øving.

Ein av dei som fekk testa reaksjonsevna i reelle case, var Aleksander Søyland, politibetjent ved Fusa og Tysnes lensmannsdistrikt.

– Det er mykje verdi i å trena saman, fortel han.

Brannvesenet i Ølve, helsepersonell frå ambulansestasjonen i Lunde og polititenestemenn frå lensmannsdistriktet var alle med på øvinga.

Myklebust arrangerte øvinga. Han er sparsam med detaljane kring scenarioa, men er godt fornøgd med innsatsen til alle deltakarane.


Siste saker Gå til framsida

Åtvarar mot brann i tørketrommel

I ei ny undersøking forsikringsselskapet Frende har fått utført, svarar 30 prosent av dei spurde på Vestlandet at dei vaskar klede og brukar tørketrommel om natta.– Det er ein sjanse eg aldri ville tatt, seier Øystein Øren, som er fagsjef i Frende, og sjølv småbarnsfar.Brannvesenet si rapportering viser at det har vore over 70 brannar i tørketromlar dei tre siste åra, og sist...