BEST PÅ STORD: Bandet I am K vart kåra til det beste under 100 Dagar på Stord i helga. Dermed får dei tilbod om speling på Tysnesfest til sommaren. (Foto frå TF)
BEST PÅ STORD: Bandet I am K vart kåra til det beste under 100 Dagar på Stord i helga. Dermed får dei tilbod om speling på Tysnesfest til sommaren. (Foto frå TF)

Kåra til beste band på 100 Dagar – kjem til Tysnefest

Bandet «I m K» vart kåra til det beste bandet på 100 Dagar på Stord i helga. No kjem bandet til Tysnesfest.
Publisert 01.02.2018 kl. 14.35.

Over 20 ulike band stod på scenen under bransjefestival 100 Dagar på Stord sist helg. Blant tilhøyrarane var ei rekkje ulike festivalar på Vestlandet, også Tysnesfest.

Dagleg leiar i Tysnesfest, Øystein Vaage, seier at 100 Dagar leverer høgt tempo, høg puls og høg kvalitet.


– For ein konsert

I etterkant av 100 Dagar har festivalane som var representert på Stord kåra det beste bandet på 100 Dagar. Denne kåringa har fått namnet «Vestlandssatsinga». «I am K» vart kåra til det beste bandet. Dette bandet får no speleoppdrag på alle festivalane som står bak Vestlandssatsinga. Dermed blir det også opptreden på Tysnesfest til sommaren.

«I am K» gjekk på scenen klokka 20.30 laurdag kveld.

– For ein konsert dei leverte. Dei etterlot seg eit måpande publikum. Det er ingen tvil, bandet kjem til å klatra kjapt opp blant interessante band i landet i 2018, seier Øystein Vaage.

Han seier at bandet representerer ei moderne og smart tilnærming til musikkfaget, der melodisk pop, sylskarp elektronika og treffsikker rock vert elegant sydd saman.

Til våren kjem dei med debutplata «Humans».


Vestlandssatsinga

– Vestlandssatsinga, med sitt utspring i 100 Dagar, er eit fantastisk talentbyggingsprosjekt. Her samlar seriøse arrangørar seg rundt eit band som ein ynskjer å gje eit karriereløft, seier Vaage.

I år vart det altså «I am K». Bandet som vert plukka ut til det beste får tilbod å spela på alle festivalane som er medlem i Vestlandssatsinga.

– Band som blir plukka ut får på den måten viktig erfaring frå festivalspeling, honorar, og eit trailerlass merksemd, seier Vaage.

Dei får og vist seg fram for eit breitt publikum gjennom sommaren.

Med på Vestlandssatsinga er festivalar frå Kristiansand i sør til Nordfjordeid i nord: Musikkfest Stavanger, Utkantfestivalen, Malakoff, Tysnesfest, Fest i Vest, Mablis, Vikedal Rootsfestival, Skral, byLØRDAG av Bergen Sentrum, Skånevik Bluesfestival, Den Festivalen i Vangen og Festidalen.


Siste saker Gå til framsida

Premierte ivrige turgåarar

Anne Britt Onarheim vann gåvekort på 1.000 kroner, medan Viljar Olai Skaten vann hovudgevinsten på 2.000 kroner.

– Det er kjekt å koma heim att

Nokon fedrar er vekke mellom åtte og fire kvar dag. Nokon er vekke to veker i Nordsjøen. Christer Helland er vekke to månadar om gongen.

Har fått fornya tillit

8. november signerte Norconsult AS og Dr.techn. Olav Olsen AS kontrakt på «Konseptutredning flytebru E39 Bjørnafjorden».

Debatt: Ope brev til politikarane i Tysnes kommune

Allereie for 12 år sidan, byrja ein å snakka om bygging av ny barnehage for Uggdal/Våge. Barn og vaksne i Stjernereiso barnehage/Vågsmarka barnehage lever framleis i uvisse om når eit slikt bygg eventuelt kjem. Modulane på Reiso er eit mellombels bygg, og no i haust har me vore der i seks år. Det er eit lite hensiktsmessig bygg for barnehagedrift, og me må dagleg handtera dei fysiske...