SKIENTUSIASTAR: Oddvar Storesætre (tv) og Ketil Skjolde fekk mange fine turar på Såtefjellet laurdag.
SKIENTUSIASTAR: Oddvar Storesætre (tv) og Ketil Skjolde fekk mange fine turar på Såtefjellet laurdag.

Skryter over flotte skiforhold på Såtefjellet

For Oddvar Storesætre og Kjetil Skjolde er det ikkje nok med ein skitur til Tysnessåto på ein fin februar-laurdag.
Publisert 03.02.2018 kl. 23.06.

Når «Tysnes» møter dei på Såtefjellet i 13.00-tida, strålar dei om kapp med sola over det flotte skiføret. Mellom fem og ti centimeter med nysnø oppå skaren er reine eldoradoet for dei to frikøyrarane på utforski. I bakkane ned frå Såto i bakgrunnen ser me svingane etter dei nedover.

– Ja, det er utruleg flott her i dag, seier dei i kor, før dei set kursen mot Grovatnet, der dei susar nedover liane.

Seinare, når «Tysnes» er på veg ned frå Såto, er dei to karane på veg opp att. Denne gongen droppar dei Såto. No blir det utforkøyring ned mot Grovatnet endå ein gong.

– Ja, det blir nok nokre turar i dag. Me må nyta dagen når det er så flott føre og så flott ver, stadfestar dei.

Dei to er ikkje åleine i Tysnesfjellet denne fyrste laurdagen i februar. Ei av damene som me møter på vegen er på veg til Såto på ski for aller fyrste gong. Andre har vore utallege gonger på toppen, som til dømes Nils Eivind Hansen, som var blant dei få som lot seg overtala til eit bilete på toppen.

Andre tok ein pust i bakken i solhellingane ovanfor Grovatnet, medan andre att nytte dagen i skianlegget ved Løkjen.

Også søndag er det meldt om strålande ver. Det er fint skiføre i Tysnesfjella.




PÅ SÅTETOPPEN: Munter stemning mellom (f.v.) Nils Eivind Hansen, Jørgen Knudsen og Inger D. Skaten.
PÅ SÅTETOPPEN: Munter stemning mellom (f.v.) Nils Eivind Hansen, Jørgen Knudsen og Inger D. Skaten.
STEMNING: Frå ein av dalane på Såtefjellet.
STEMNING: Frå ein av dalane på Såtefjellet.
GODT MED SNØ: Frå myrane sør for Grovatnet.
GODT MED SNØ: Frå myrane sør for Grovatnet.

Siste saker Gå til framsida

I dag skal folkejuryen møtast

Det nærmar seg tid for å bestemma nytt fylkesvåpen.I dag, laurdag 18. august skal folkejuryen møtast for å bestemma ti finalistar som går vidare til folkerøystinga, ut ifrå dei 667 bidraga som er sendt inn. Dette skriv Hordaland fylkeskommune og Sogn og Fjordane fylkeskommune i ei pressemelding.Folkejuryen består av ti menneske, i aldrar frå 18-72 år. Seks av dei kjem frå...

LEIAR: Det flytande fylket

Nyleg fekk «Tysnes» tilgang til eit skriv Skyss sende ut til ferjeselskapa i Hordaland. Ifølgje skrivet, er det behov for kostnadskutt i samferdslesektoren. Skyss ber ferjeselskapa om tips til kostnadskutt, og kjem samtidig med nokre eigne forslag.Eit av dei nemnde forslaga, er å kutta i ferjeavgangane. Det er...

Persa seg til bronse i NM

Fredag ettermiddag sprang Pernilla Eugenie Epland 5.000-meter under NM i Friidrett på Byrkjelo. Der enda ho opp på tredjeplass.