LIDENSKAP: Musikarane i Goldlog var svært dyktige, og leverte ein konsert av høg standard. F.v. Henrik Zahl Pettersen, Ingjerd Kolstad, Ian Kolstad.
LIDENSKAP: Musikarane i Goldlog var svært dyktige, og leverte ein konsert av høg standard. F.v. Henrik Zahl Pettersen, Ingjerd Kolstad, Ian Kolstad.

Fantastisk konsert med Goldlog

Stor lidenskap og talent, gløda av bandet Goldlog under konserten deira på Tysnes.
Publisert 03.02.2018 kl. 20.26. Oppdatert kl. 21.28.

Fredag var det duka for konsert med Goldlog i Onarheim kulturkyrkje. Bandet, som er fronta av Ingjerd og Ian Kolstad, var på turneringa som dei kallar Black, og denne kvelden var dei på Tysnes. Musikksjangeren kallar dei alternativ pop.


Høg kvalitet

– Me ser på oss sjølve som kunstnarar, og vil ikkje øydeleggja det visuelle i konserten med for mykje prat imellom songane, fortel Ian, før han vidare fortel om Goldlog.

– Me syng enno på engelsk, ettersom me ikkje fiksar å syngja på norsk. Me har gitt ut fem plater, der tekstane handlar om livet til meg og kona mi.

Hovudtema er kjærleik, vennskap og søvn.

Kvelden opnar med nokre rolege songar, før det etter kvart går over til innslag med litt meir trøkk. Energinivået er høgt blant musikarane, som ser ut til å trivast godt på scenen. Ingjerd strålar i lyset frå den raude lyskastaren, medan stemma hennar fyller kyrkja. Stemninga er intens og musikken er av høg standard. Det vert ståande applaus og eit siste innslag, før bandet sluttar av kvelden.

– Det er mogleg å kjøpa platene våre dersom dåke vil høyra meir av musikken vår, fortel Ingjerd, og legg til at ein også kan kontakta bandet på Facebook sida deira, dersom ein ønskjer å kjøpa ei plate.


Gleda seg lenge

Det er ikkje noko anna å seia om denne konserten, enn at den var fantastisk, rosar Ingunn Myklebust, som vitja konserten saman med mannen Alf Terje Myklebust.

– Denne konserten har me gleda oss lenge til. Me la den inn i kalenderen vår så fort me fekk høyra om den, kan paret fortelja, som fekk høyra Goldlog live for første gong denne kvelden.

– Eg er veldig glad i cello, og elles nytta dei mange instrument som eg ikkje veit kva heiter ein gong, men det var veldig fint. Dei har utvikla sin heilt eigen lyd, fortel Alf Terje.

– Ja, det er heilt utruleg. Ingjerd har ei svært vakker stemme, og songtekstane til Ian er verkeleg gode, held Ingunn fram, før ho og mannen går for å kjøpa ei plate av Goldlog.


KONSERT: Arrangementet fall i god smak og applausen vart stor etter konserten i kulturkyrkja.
KONSERT: Arrangementet fall i god smak og applausen vart stor etter konserten i kulturkyrkja.
TILSKODARAR: Mange tok turen til kyrkja på Onarheim, for å få med seg konserten.
TILSKODARAR: Mange tok turen til kyrkja på Onarheim, for å få med seg konserten.

Siste saker Gå til framsida

Premierte ivrige turgåarar

Anne Britt Onarheim vann gåvekort på 1.000 kroner, medan Viljar Olai Skaten vann hovudgevinsten på 2.000 kroner.

– Det er kjekt å koma heim att

Nokon fedrar er vekke mellom åtte og fire kvar dag. Nokon er vekke to veker i Nordsjøen. Christer Helland er vekke to månadar om gongen.

Har fått fornya tillit

8. november signerte Norconsult AS og Dr.techn. Olav Olsen AS kontrakt på «Konseptutredning flytebru E39 Bjørnafjorden».

Debatt: Ope brev til politikarane i Tysnes kommune

Allereie for 12 år sidan, byrja ein å snakka om bygging av ny barnehage for Uggdal/Våge. Barn og vaksne i Stjernereiso barnehage/Vågsmarka barnehage lever framleis i uvisse om når eit slikt bygg eventuelt kjem. Modulane på Reiso er eit mellombels bygg, og no i haust har me vore der i seks år. Det er eit lite hensiktsmessig bygg for barnehagedrift, og me må dagleg handtera dei fysiske...