UGGDAL: For andre gang på fire dagar, måtte brannvesenet på Tysnes rykka ut til pipebrann. (Illustrasjonsfoto: Ingunn Gjærde)
UGGDAL: For andre gang på fire dagar, måtte brannvesenet på Tysnes rykka ut til pipebrann. (Illustrasjonsfoto: Ingunn Gjærde)

Ny pipebrann

Søndag føremiddag fekk naudetatane melding om pipebrann i eit bustadhus i Uggdal.
Publisert 04.02.2018 kl. 12.01. Oppdatert 06.02.2018 kl. 11.46.

Det skal ikkje ha oppstått skadar på huset, men det har vore flammar og røyk i pipa.

Klokka 09.34 melder Vest politidistrikt at dei har motteke melding om pipebrann i Neshamnvegen i Uggdal.

Brannvesenet rykka ut til staden, medan politiet avventa situasjonen.

Like over klokka 11 søndag føremiddag, skriv politiet at huset ikkje er kome til skade.

Brannvesenet i Tysnes hadde då avslutta arbeidet på staden. Huseigar skal ha fått fyringsforbod fram til ein feiar har sett på pipa.

Politiet presiserer at ingen personar har kome til skade under pipebrannen.

Det er berre nokre få dagar sidan brannvesenet måtte rykka ut til førre pipebrann i kommunen.

Les: Såg flammane på utsida.


Siste saker Gå til framsida

I dag skal folkejuryen møtast

Det nærmar seg tid for å bestemma nytt fylkesvåpen.I dag, laurdag 18. august skal folkejuryen møtast for å bestemma ti finalistar som går vidare til folkerøystinga, ut ifrå dei 667 bidraga som er sendt inn. Dette skriv Hordaland fylkeskommune og Sogn og Fjordane fylkeskommune i ei pressemelding.Folkejuryen består av ti menneske, i aldrar frå 18-72 år. Seks av dei kjem frå...

LEIAR: Det flytande fylket

Nyleg fekk «Tysnes» tilgang til eit skriv Skyss sende ut til ferjeselskapa i Hordaland. Ifølgje skrivet, er det behov for kostnadskutt i samferdslesektoren. Skyss ber ferjeselskapa om tips til kostnadskutt, og kjem samtidig med nokre eigne forslag.Eit av dei nemnde forslaga, er å kutta i ferjeavgangane. Det er...

Persa seg til bronse i NM

Fredag ettermiddag sprang Pernilla Eugenie Epland 5.000-meter under NM i Friidrett på Byrkjelo. Der enda ho opp på tredjeplass.