AUKE: Pantelotteriet er innbringande for Røde Kors Hordaland. (Foto: Katrine Lunke/Pantelotteriet)
AUKE: Pantelotteriet er innbringande for Røde Kors Hordaland. (Foto: Katrine Lunke/Pantelotteriet)

Fekk 2,2 millionar frå tomflasker

Hordaland Røde Kors fekk 2,2 millionar frå tomflasker i 2017. Det er pantelotteri-rekord i Hordaland.
Publisert 05.02.2018 kl. 11.00.

Totalt fekk Røde Kors 37 millionar kroner frå Pantelotteriet i 2017, skriv organisasjonen i ei pressemelding. Det er og ny rekord.

Sidan starten i 2008 har Pantelotteriet bidrege med 195 millionar kroner til Røde Kors. Det tyder at lotteriet er ei av dei største inntektskjeldene til Røde Kors. Halvparten av midlane går til Røde Kors lokalt.

– Dette er fantastisk, seier dagleg leiar i Hordaland Røde Kors, Lars Atle Skorpen.

– Midlane frå Pantelotteriet er eit veldig viktig bidrag for oss. Pengane går direkte til å forsterka den humanitære innsatsen vår, der folk bur og i områda der dei vel å gje panten til Pantelotteriet, seier Skorpen.


Siste saker Gå til framsida

Håpar på E39-vedtak før jul

Kor Langenuen skal kryssast av den nye ferjefrie E39, kan bli avgjort før jul. Det fortel prosjektleiar for E39 Stord-Tysnes-Os, Signe Eikenes, til «Tysnes».Dei to alternativa som det står mellom er sørleg kryssing ved Hodnanes-Jektevik (biletet) og eit midtre alternativ ved Raunholm-Neshamn. Kommunestyret i Tysnes har gått inn for kryssing i sør. Det har også nabokommunane.– Me...