Alan Walker til Tysnesfest – på ny

Uveret sette ein stoppar for Alan Walker-konserten på Gjerstad i fjor. No kjem han til Tysnesfest på ny.
Publisert 07.02.2018 kl. 20.00.

Alan Walker var det store trekkplasteret laurdagskvelden på Gjerstad under Tysnesfest i fjor. Men det kraftige uveret som sette inn over Tysnes seint denne laurdagskvelden i juli 2017, sette ein stoppar for konserten. Alan Walker kom ikkje på scenen i det heile. Mange tusen festivalglade ungdomar måtte skuffa forlata festivalområdet på Gjerstad – utan å ha fått høyra ein einaste låt av den store favoritten Alan Walker.


– Utruleg stolte

– Me er utruleg stolte over å kunna stadfesta at avtalen med Alan Walker er i boks, seier dagleg leiar i Tysnesfest, Øystein Vaage.

Vaage fortel at Walker lova at han skulle koma tilbake då uveret sette ein stoppar for konserten i fjor.

– Heldigvis er det svært sjeldan me opplever eit slikt uver midt på sommaren som det me opplevde laurdagskvelden under Tysnesfest i fjor. No ligg alt til rette for at me kan få ei magisk oppleving når Alan Walker går på scenen i 2018, seier Vaage.


Lynkarriere

20-åringen frå Fana har gjort ei lynkarriere. Han er fødd i England, men har budd i Fana mesteparten av livet.

Alan Walker var den fyrste norske artisten som fekk over ein halv milliard spelingar av sin eigen låt på Spotify.

I desember 2015 vart han verdskjend med singelen «Faded», som i dag er strøyma nesten 1,5 milliardar gonger på YouTube.

Han er også kjend for store hits som «Alone», «Sing me to sleep», «Spectre» og «All falls down».


USA og Tysnes

– Walker har turnert heftig det siste året, og i april er han booka inn på ein av dei største og viktigaste musikkfestivalane i verda, Coachella i USA, informerer dagleg leiar i Tysnesfest.

I USA skal Alan Walker stå på same scene som mellom anna Beyonce, The Weeknd og Eminem.

Men til sommaren kjem han altså til Tysnes, og Tysnesefest.


TIL TYSNES: I fjor var Alan Walker det store trekkplasteret laurdagskvelden under Tysnesfest. Det sette uveret ein stoppar for. No har Tysnesfest sikra seg Alan Walker på ny.
TIL TYSNES: I fjor var Alan Walker det store trekkplasteret laurdagskvelden under Tysnesfest. Det sette uveret ein stoppar for. No har Tysnesfest sikra seg Alan Walker på ny.

Siste saker Gå til framsida

I dag skal folkejuryen møtast

Det nærmar seg tid for å bestemma nytt fylkesvåpen.I dag, laurdag 18. august skal folkejuryen møtast for å bestemma ti finalistar som går vidare til folkerøystinga, ut ifrå dei 667 bidraga som er sendt inn. Dette skriv Hordaland fylkeskommune og Sogn og Fjordane fylkeskommune i ei pressemelding.Folkejuryen består av ti menneske, i aldrar frå 18-72 år. Seks av dei kjem frå...

LEIAR: Det flytande fylket

Nyleg fekk «Tysnes» tilgang til eit skriv Skyss sende ut til ferjeselskapa i Hordaland. Ifølgje skrivet, er det behov for kostnadskutt i samferdslesektoren. Skyss ber ferjeselskapa om tips til kostnadskutt, og kjem samtidig med nokre eigne forslag.Eit av dei nemnde forslaga, er å kutta i ferjeavgangane. Det er...

Persa seg til bronse i NM

Fredag ettermiddag sprang Pernilla Eugenie Epland 5.000-meter under NM i Friidrett på Byrkjelo. Der enda ho opp på tredjeplass.