NY SIGER: Tysnes IL sitt damelag i 5. divisjon fekk det tøft på bortebane mot Åsane, men kjempa godt og fekk med seg to poeng heim. (Foto: Terje Sløgedal)
NY SIGER: Tysnes IL sitt damelag i 5. divisjon fekk det tøft på bortebane mot Åsane, men kjempa godt og fekk med seg to poeng heim. (Foto: Terje Sløgedal)

Spennande kamp frå start til slutt

Tysdag kveld spelte damelaget borte mot Åsane 2, og etter ein hard match vann dei til slutt med to mål.
Publisert 07.02.2018 kl. 11.33.

– Laga bytte på å leia med eitt eller to mål gjennom heile kampen, fortel trenar Terje Sløgedal, som brukte lang tid på å få ned pulsen etter kampen.

Til pause stod det 16-17 på måltavla.

– Åsane var tøffe i forsvar, og me fekk mykje juling. Men innsatsen og humøret til tysnesjentene var formidabelt.

Då det var eitt minutt igjen av kampen, tok Åsane timeout, og stillinga var då 27-28 til Tysnes. I det komande angrepet redda heldigvis Lea Sofie Trondsen Dalland for Tysnes.

– Åsane gjekk då ut «mann mot mann» og prøvde å stressa tysnesjentene til å gjera feil. Men dei heldt hovudet kaldt, og då Martine (Siglevik Lunde, red.merk) klarta å koma seg gjennom og scora, var jubelen enorm både på benken og på banen.

Sluttresultatet i Åsanehallen vart dermed 27-29, og Tysnes sikra seg to nye poeng.

– Dette var ein slitekamp der jentene verkeleg bretta opp ermene, sloss og spelte feiande flott handball. Dei kjempa til siste krampetrekning og drog sigeren i land, smiler han som er trenar for damelaget saman med Sveinung Halvorsen.

Tysnes har no kjempa seg opp til 3. plass på tabellen i 5. divisjon, og har berre heimekampar igjen denne sesongen.

Desse var med: Lea Sofie Trondsen Dalland, Kristin van der Meeren (11), Hannah Rød Halvorsen, Signe Pettersen Opdal, Celine Vevatne Lunde (1), Maria Lillesletten Hagen, Karoline Helland, Eline Teigland Bakke, Thea Sløgedal (14), Sara Reimdal Vee, Martine Siglevik Lunde (2), Kristianna Aas Malkenes (1), Norunn Ebbesvik og Julie Bakke.


Siste saker Gå til framsida

I dag skal folkejuryen møtast

Det nærmar seg tid for å bestemma nytt fylkesvåpen.I dag, laurdag 18. august skal folkejuryen møtast for å bestemma ti finalistar som går vidare til folkerøystinga, ut ifrå dei 667 bidraga som er sendt inn. Dette skriv Hordaland fylkeskommune og Sogn og Fjordane fylkeskommune i ei pressemelding.Folkejuryen består av ti menneske, i aldrar frå 18-72 år. Seks av dei kjem frå...

LEIAR: Det flytande fylket

Nyleg fekk «Tysnes» tilgang til eit skriv Skyss sende ut til ferjeselskapa i Hordaland. Ifølgje skrivet, er det behov for kostnadskutt i samferdslesektoren. Skyss ber ferjeselskapa om tips til kostnadskutt, og kjem samtidig med nokre eigne forslag.Eit av dei nemnde forslaga, er å kutta i ferjeavgangane. Det er...

Persa seg til bronse i NM

Fredag ettermiddag sprang Pernilla Eugenie Epland 5.000-meter under NM i Friidrett på Byrkjelo. Der enda ho opp på tredjeplass.