TRAVELT: Torfinn Kongsvik og brannvesenet på Tysnes har fått merka at det er pipebrannsesong. (Arkivfoto: Ingunn Gjærde)
TRAVELT: Torfinn Kongsvik og brannvesenet på Tysnes har fått merka at det er pipebrannsesong. (Arkivfoto: Ingunn Gjærde)

Slik unngår du pipebrann

– Fyr med tørr ved, ha passeleg med trekk og ikkje ha noko anna enn ved i omnen, rår brannsjef Torfinn Kongsvik.
Publisert 07.02.2018 kl. 06.00. Oppdatert kl. 10.40.

På berre nokre få dagar har brannvesenet på Tysnes rykka ut til to pipebrannar.

– No er ein midt i fyringssesongen, og det er ikkje unormalt at det oppstår pipebrannar, seier Kongsvik.

Når det er kaldt, fyrer folk kanskje litt hardare i omnen. Om det då er laussot eller beksot i skorsteinen, kan det ta fyr. Ofte er det naboar som oppdagar pipebrannen, når dei ser flammar ut av skorsteinen.

Det kan også rumla litt i skorsteinen.

Viss ein trur det er pipebrann, er brannsjefen tydeleg på kva ein bør gjera.

– Steng trekkjen og ring 110. Då vil ein få råd om kva ein skal gjera, seier Kongsvik.

Ein bør også følgja med på skorsteinen, i heile si lengde, fram til brannvesenet kjem.

– Det kan bli høg temperatur inn til treverket, forklarer Kongsvik.


Siste saker Gå til framsida

Tysnesfest upåverka av nye reglar

Ein ny regel gjer at festivalar må rapportera inn skattepliktige billettar som frivillige får som lønn for arbeidet. Dette rapporterte Dagbladet tidlegare i januar. I mange tilfelle gjer dette at...

Ferjeentusiast på bibliotekturné

4. februar kjem forfattar Harald Sætre til Tysnes folkebibliotek med føredraget «Dei kom tilbake – veteranferjer og fjordabåtar i Hordaland».