NY BUTIKK: – Me gler oss veldig til å opna, og håpar at folk vil lika det me har å tilby, seier Ina Kaldefoss (t.v.) og Heidi Catherine Lande.
NY BUTIKK: – Me gler oss veldig til å opna, og håpar at folk vil lika det me har å tilby, seier Ina Kaldefoss (t.v.) og Heidi Catherine Lande.

Opnar klebutikk i Våge

I april i fjor opna dei nettbutikk på Tysnes. No tek dei steget vidare. Laurdag er det butikkopning for Ivyelli på Svingen i Våge.
Publisert 08.02.2018 kl. 16.00.

– Det har eigentleg vore ein draum og ein plan å opna eigen butikk heilt sidan med starta opp med nettbutikken, seier Ina Kaldefoss og Heidi Catherine Lande.

Komande laurdag blir det offisiell butikkopning med snorklypping på Svingen. Ivyelli er i ferd med å flytta inn i lokala til tidlegare Svingen Møbel & Interiør. Alt skal vera klart til laurdag føremiddag.

Det var i oktober dei to sprudlande damene fekk tilbod om å ta over lokala.

– Me hadde ein liten tankeprosess. Dette er trass alt noko heilt anna enn å driva nettbutikk, men me var ganske klare på at det var dette me ville, seier dei.

Varer har dei allereie fått på plass. Hovudtyngda vart innkjøpt på messe for fleire månader sidan, med tanke på sal gjennom nettbutikken. Etter kvart vert det meir, og større utval.

– I starten vert det klebutikk for born, ungdom, damer og menn. Men me satsar på å utvida vareutvalet etter kvart. Målet er å ha litt av det same konseptet med kle og interiørvarer som den tidlegare butikken her hadde. Kaffibaren skal me også vidareføra. Målet er å bli ein butikk for både fastbuande og hyttefolk, forklarar dei.


Siste saker Gå til framsida

Persa seg til bronse i NM

Fredag ettermiddag sprang Pernilla Eugenie Epland 5.000-meter under NM i Friidrett på Byrkjelo. Der enda ho opp på tredjeplass.

Pernilla vann med ny pers

Søndag, under Stordleikane, sprang Pernilla Eugenie Epland 1.500-meter. Ho enda opp med både siger og ein ny pers.Tysnesingen sprang inn på tida 4.24,20.Stordleikane var den siste oppkøyringa til NM i friidrett, som går av stabalen til helga.Då skal Pernilla til Byrkjelo i Gloppen og springa 5.000-meter og 10.000-meter.Under NM i fjor fekk ho 8.-plass på 5.000-meter...