VIL HALDA SEG HER: I fjor fekk Tysnes Musikklag 8. plass i 2. divisjon i NM, og unngjekk med det nedrykk til 3. divisjon. (Arkivfoto)
VIL HALDA SEG HER: I fjor fekk Tysnes Musikklag 8. plass i 2. divisjon i NM, og unngjekk med det nedrykk til 3. divisjon. (Arkivfoto)

Målet er å halda seg i 2. divisjon

Tysnes Musikklag reiser til brass-NM i Bergen med mål om å få spela i Griegsalen også neste år.
Publisert 08.02.2018 kl. 08.57. Oppdatert kl. 13.39.

– Det er noko heilt spesielt å få spela i storstova i Grieghallen. Det fekk me oppleva i fjor, og gjorde det så bra at me som nyopprykka enda på åttandeplass i NM for brassband. Eg er veldig spent på kor langt me kjem i år, kjenner ikkje at me har klart å ta ut vårt beste så langt. Forventninga før NM er å spela betre enn det me har klart til no. Kanskje det kjem i Grieghallen fredag, klarar me løfta oss eit lite hakk kan det gå bra også denne gongen. Uansett gler me oss til opplevinga, seier Yngve Nikolaisen, dirigent for Tysnes Musikklag.


Dirigerer tre korps

Og dirigent for Sagvåg Musikklag i same divisjon, i år som i fjor. Men det stoppar ikkje der: Dirigent også for Rosendal Musikklag, i femte divisjon.

– Det blir ein rimeleg travel dag i morgon, all den tid alle dei tre korpsa eg leiar skal i aksjon same dagen. Først Sagvåg, så Rosendal før Tysnes Musikklag entrar scenen i Griegsalen klokka 13.50 med sitt nummer, «The Plantagenets» av Edward Gregson.

Innimellom er det tid for oppvarming, og roing av nerver. For spenning er det alltid, uansett. NM er NM, og det må skjerping til.


Dyktige solistar

– Me har tre dyktige solistar i Tysnes Musikklag, dei er med og løftar oss. Me er eit lag på 28 musikarar som skal prestera, trioen Camilla Sjøvold, Else Marit Særsten og Camilla Moss kan vera med og gje oss det vesle ekstra som må til. Eg håpar og trur det går bra, uansett er dette eit mål me ser fram til, seier Nikolaisen.

Til dagleg kulturskulerektor på Tysnes, i tillegg til å vera travel dirigent for ikkje mindre enn tre lag frå Sunnhordland i Bergen, der NM nummer 40 går av stabelen i regi av Norges Musikkorps Forbund.

76 korps tek del i år, og kring 2.500 musikantar frå heile landet skal i aksjon under NM-dagane fredag og laurdag. Det heile blir avslutta med festkonsert med Sjøforsvarets Musikkorps laurdag kveld.


Siste saker Gå til framsida

Premierte ivrige turgåarar

Anne Britt Onarheim vann gåvekort på 1.000 kroner, medan Viljar Olai Skaten vann hovudgevinsten på 2.000 kroner.

– Det er kjekt å koma heim att

Nokon fedrar er vekke mellom åtte og fire kvar dag. Nokon er vekke to veker i Nordsjøen. Christer Helland er vekke to månadar om gongen.

Har fått fornya tillit

8. november signerte Norconsult AS og Dr.techn. Olav Olsen AS kontrakt på «Konseptutredning flytebru E39 Bjørnafjorden».

Debatt: Ope brev til politikarane i Tysnes kommune

Allereie for 12 år sidan, byrja ein å snakka om bygging av ny barnehage for Uggdal/Våge. Barn og vaksne i Stjernereiso barnehage/Vågsmarka barnehage lever framleis i uvisse om når eit slikt bygg eventuelt kjem. Modulane på Reiso er eit mellombels bygg, og no i haust har me vore der i seks år. Det er eit lite hensiktsmessig bygg for barnehagedrift, og me må dagleg handtera dei fysiske...