NY LENSMANN: Terje Sperrevik frå Os skal vera lensmann for Tysnes, i tillegg til Kvam og Fusa. (Foto: Os og Fusaposten)
NY LENSMANN: Terje Sperrevik frå Os skal vera lensmann for Tysnes, i tillegg til Kvam og Fusa. (Foto: Os og Fusaposten)

Sperrevik blir ny tysneslensmann

Terje Sperrevik (55) frå Os blir ny lensmann i Tysnes. Han skal og vera lensmann for Kvam og Fusa.
Publisert 09.02.2018 kl. 18.19. Oppdatert kl. 18.23.

Sperrevik har vore lensmann i Kvam og Samnanger sidan 2013.

I den nye tilsetjinga heiter det at Terje Sperrevik skal vera lensmann med funksjon som tenesteeiningsleiar ved Kvam, Fusa og Tysnes.

I alt var det 13 personer som fekk denne veka tilbod om stillingar som lensmenn og seksjonsleiarar i Vest politidistrikt.

– I samband med politireforma vert alle leiarstillingar tilsett på ny, opplyser Arne Lutro, leiar for stab for kommunikasjon i Vest politidistrikt.– Det var eit spennande møte. Det er ikkje kvar dag me tilsett så mange leiarar på så høgt nivå, fortel politimeister Kaare Songstad.

Tilsetjingane kjem som følgje av omorganiseringa i samband med politireforma. Ny organisasjon for Vest politidistrikt skal vera i drift 1. mars.

– Alle tilsette i politidistriktet har fått vita kor dei skal jobba i den nye organisasjonen. No tek den nye strukturen til å fyllast med leiarar, opplyser politimeister Songstad.


Siste saker Gå til framsida

I dag skal folkejuryen møtast

Det nærmar seg tid for å bestemma nytt fylkesvåpen.I dag, laurdag 18. august skal folkejuryen møtast for å bestemma ti finalistar som går vidare til folkerøystinga, ut ifrå dei 667 bidraga som er sendt inn. Dette skriv Hordaland fylkeskommune og Sogn og Fjordane fylkeskommune i ei pressemelding.Folkejuryen består av ti menneske, i aldrar frå 18-72 år. Seks av dei kjem frå...

LEIAR: Det flytande fylket

Nyleg fekk «Tysnes» tilgang til eit skriv Skyss sende ut til ferjeselskapa i Hordaland. Ifølgje skrivet, er det behov for kostnadskutt i samferdslesektoren. Skyss ber ferjeselskapa om tips til kostnadskutt, og kjem samtidig med nokre eigne forslag.Eit av dei nemnde forslaga, er å kutta i ferjeavgangane. Det er...

Persa seg til bronse i NM

Fredag ettermiddag sprang Pernilla Eugenie Epland 5.000-meter under NM i Friidrett på Byrkjelo. Der enda ho opp på tredjeplass.