FOR UNGDOM: Terje Sporsem kjem med eit eige ungdomstilbod når han kjem til Tysnes komande laurdag. (skjermdump)
FOR UNGDOM: Terje Sporsem kjem med eit eige ungdomstilbod når han kjem til Tysnes komande laurdag. (skjermdump)

Gratis ungdomsarrangement med Terje Sporsem

Når standup-komikar Terje Sporsem kjem til Mandelhuset laurdag, trør han like godt til med gratis-tilbod for ungdom på Tysnes.
Publisert 09.02.2018 kl. 09.00.

– Me synest det er spennande at Mandelhuset har fått Terje Sporsem til å laga ei tilstelling for ungdom på dagtid, seier leiar i Tysnes ungdomsråd, Malene Kristine M. Alsaker til «Tysnes».


Latter på menyen

På Facebook-sida til ungdomsrådet kan ein lesa at Terje Sporsem ynskjer å læra ungdom meir om humor og underhaldning.

– Her blir det latter på menyen, kan ein lesa på Facebook.

Ungdomsrådsleiaren rosar Mandelhuset for tilbodet.

– Me fekk spørsmål frå Patrick om ungdomsrådet var interessert i å få til noko på dagtid, når Terje Sporsem fyrst var her. Det takka me ja til. No gler me oss til arrangementet, seier Malene Kristine M. Alsaker.

Ungdomsrådet er spente på kor mange som kjem. Arrangementet varar i 45 minutt, frå klokka fire om ettermiddagen.

– Blir det populært, kan det vera at me prøver å få til noko liknande i framtida, seier ho.


Fekk ein idé

– Eg håpar det kjem ein del folk, seier initiativtakar Patrick Madsen.

Han fekk Terje Sporsem til å tenna på ideen. No er ungdomstilbodet eit samarbeid mellom dei to, som Terje Sporsem ikkje tek noko ekstra for. Ungdomane skal mellom anna få med seg ein del innslag frå showa til komikaren.

– Det er ungdomane som er framtida til Tysnes. Eg synest det er viktig at me lagar til arrangement også for dei, seier Madsen.


Utselt kveldsarrangement

Madsen gler seg også over den store interessa for kveldsarrangementet for vaksne. Dei siste bilettane forsvann tidleg denne veka.

– No er det heilt utselt. Det er veldig kjekt, seier han nøgd.


Siste saker Gå til framsida

I dag skal folkejuryen møtast

Det nærmar seg tid for å bestemma nytt fylkesvåpen.I dag, laurdag 18. august skal folkejuryen møtast for å bestemma ti finalistar som går vidare til folkerøystinga, ut ifrå dei 667 bidraga som er sendt inn. Dette skriv Hordaland fylkeskommune og Sogn og Fjordane fylkeskommune i ei pressemelding.Folkejuryen består av ti menneske, i aldrar frå 18-72 år. Seks av dei kjem frå...

LEIAR: Det flytande fylket

Nyleg fekk «Tysnes» tilgang til eit skriv Skyss sende ut til ferjeselskapa i Hordaland. Ifølgje skrivet, er det behov for kostnadskutt i samferdslesektoren. Skyss ber ferjeselskapa om tips til kostnadskutt, og kjem samtidig med nokre eigne forslag.Eit av dei nemnde forslaga, er å kutta i ferjeavgangane. Det er...

Persa seg til bronse i NM

Fredag ettermiddag sprang Pernilla Eugenie Epland 5.000-meter under NM i Friidrett på Byrkjelo. Der enda ho opp på tredjeplass.