NORGESMEISTERSKAP: Tysnes musikklag på scenen i Grieghallen fredag under korps-NM. (Foto: TM)
NORGESMEISTERSKAP: Tysnes musikklag på scenen i Grieghallen fredag under korps-NM. (Foto: TM)

Fokuserte musikantar spelte til ein fin 7. plass i korps-NM

Tysnes musikklag spelte seg til ein fin 7. plass i 2. divisjon i korps-NM i Grieghallen denne helga.
Publisert 10.02.2018 kl. 22.21. Oppdatert 11.02.2018 kl. 11.46.

I alt var det 13 korps som deltok i 2. divisjon.

– Me er veldig godt nøgde, seier leiar i Tysnes musikklag, Lars Petter Epland, like etter at resultatet er blitt kjent laurdag kveld.

Sagvåg musikklag kom på plassen bak Tysnes.

Tysnes musikklag og dei knapt 30 korpsmedlemene gjekk på scenen litt før klokka to fredag ettermiddag.

– Eg er glad og nøgd, er den fyrste kommentaren til dirigent Yngve Nikolaisen etter at korpset har gjennomført det planlagde programmet.

– Dette var veldig kjekt, det var bra med publikum i salen og ein god atmosfære rundt spelinga vår, heldt dirigenten fram.

– Var det spente musikantar du hadde med deg?

– Spente er kanskje ikkje det rette ordet. Dei var fokuserte. Dei visste at dei måtte konsentrera seg.

Medlemene i Tysnes musikklag er etter kvart erfarne NM-spelarar. Også dei yngste i korpset har god konkurranse-erfaring, frå speling i skulekorpset.

– Nerver er nesten ikkje tema, me så vane med konkurransespeling, seier dirigenten.

Turen til Bergen gjekk med 08.10-ferja frå Våge fredag morgon. Fredag føremiddag var det øving i Bergen og den siste finpussen før korpset gjekk på scenen i Grieghallen.

– Me var bra førebudde. Kanskje kunne me øvd meir, men det var ikkje nødvendig. Det var god guts i gjengen, seier dirigenten.

Klokka var vel to då korpset hadde gjennomført spelinga.

Dermed vart det mange timar å venta for spente korpsmedlemer, før resultatet var klart seint laurdag kveld.

– I fotball har dei ein heil serie å spela, om det opp- eller nedrykk, eller å bli verande i divisjonen. Me har berre ein kamp. Då må me prestera, seier dirigent Yngve Nikolaisen.


Siste saker Gå til framsida

Uver stoppa både Hodnanes-ferja og Våge-ferja

Ferjesambandet Hodnanes-Jektevik-Nordhuglo var innstilt på grunn av verforholda fredag kveld, frå i 21-tida til 21.40. Norled melde om innstilt rute klokka 20.53. Klokka 21.35 melde selskapet at ferja kjem i gang att klokka 21.40.Klokka 21.05 melde FosenNamsos Sjø at MF «Selbjørnsfjord» har kansellert avgangane klokka 21.05 frå Halhjem og 22.15 frå Våge på grunn av verforholda.

Debatt: – Det er store hol i «dugnadsånda» på Tysnes

Eg har hatt eit «nært» forhold til det å driva eit idrettslag der dugnad var hovudinntektskjelda. Då eg var leiar i Njardar på 80- og 90-talet, hadde me problem med å finansiera den daglege drifta. Me starta «Mimrefesten». Den var i januar, og gav oss pengar til å melda på lag. Me fekk og eit «eventyr» med Brann-kampar på 90-talet, som gav gode økonomiske resultat. Me hadde åtte-ti...