FOR NORGE: Pernilla Epland vart nummer fem på 3.000 meter i Nordenlandskampen i Sverige søndag. Ho var ei av to deltakarar frå Norge. (Arkivfoto)
FOR NORGE: Pernilla Epland vart nummer fem på 3.000 meter i Nordenlandskampen i Sverige søndag. Ho var ei av to deltakarar frå Norge. (Arkivfoto)

5. plass til Pernilla i Nordenlandskamp

Pernilla Epland sikra seg ein fin 5. plass på 3.000-meteren i Nordenlandskampen i Uppsala i Sverige i dag, søndag. Ho var ei av to deltakarar som representerte Norge på 3.000 meter.
Publisert 11.02.2018 kl. 22.31.

– Det var veldig kjekt å springa i eit så godt felt, seier Pernilla Epland til «Tysnes» etter den flotte prestasjonen.

– Haren hadde fått beskjed om å halda ein fart som ville gje ei sluttid rundt 9.10-9.15, så eg la meg litt bak, då dette er ein del fortare enn eg har sprunge på, legg ho til.

– Det var eit greit løp for min del. Eg er nøgd med gjennomføring og ny pers, seier ho.

Det var to deltakarar frå Stord Friidrett som var i aksjon i landskampen i Uppsala i dag: Pernilla Epland på 3.000 meter for damer, og Tom Erling Kårbø på 1.500 meter for menn.

– Det vart suksess for begge stordløparane i Nordenlandskampen, skriv trenar Nils Hetleflåt på Stord Friidrett sine nettsider.

– Først i aksjon var Pernilla på 3.000 meter. Her var det bestilt eit høgt opningstempo av den finske favoritten, Camilla Richardsson. Pernilla klarte å hengja med til kring tusen meter, som ho passerte på 3,06, men då vart det ei luke fram til tetkvartetten, og Pernilla vart liggjande åleine resten av løpet, skriv Hetleflåt.

Pernilla kom i mål på tida 9,29,24. Med det sette ho ny personleg rekord med 1,34 sekund.Resultat:

1. Camilla Richardsson, Finland 9.13.44

2. Linn Søderholm, Sverige 9.21.58

3. Alberte Kjær Pedersen, Danmark 9.23.34

4. Maria Sagnes Wågan, Norge 9.27.76

5. Pernilla Epland, Norge 9.29.24

6. Maria Larsen, Danmark 9.36.91

7. Lisa Øhberg, Sverige 9.43.61

8. Janica Maekelae, Finland 9.51.14


Siste saker Gå til framsida

Åtvarar mot brann i tørketrommel

I ei ny undersøking forsikringsselskapet Frende har fått utført, svarar 30 prosent av dei spurde på Vestlandet at dei vaskar klede og brukar tørketrommel om natta.– Det er ein sjanse eg aldri ville tatt, seier Øystein Øren, som er fagsjef i Frende, og sjølv småbarnsfar.Brannvesenet si rapportering viser at det har vore over 70 brannar i tørketromlar dei tre siste åra, og sist...