FOR NORGE: Pernilla Epland vart nummer fem på 3.000 meter i Nordenlandskampen i Sverige søndag. Ho var ei av to deltakarar frå Norge. (Arkivfoto)
FOR NORGE: Pernilla Epland vart nummer fem på 3.000 meter i Nordenlandskampen i Sverige søndag. Ho var ei av to deltakarar frå Norge. (Arkivfoto)

5. plass til Pernilla i Nordenlandskamp

Pernilla Epland sikra seg ein fin 5. plass på 3.000-meteren i Nordenlandskampen i Uppsala i Sverige i dag, søndag. Ho var ei av to deltakarar som representerte Norge på 3.000 meter.
Publisert 11.02.2018 kl. 22.31.

– Det var veldig kjekt å springa i eit så godt felt, seier Pernilla Epland til «Tysnes» etter den flotte prestasjonen.

– Haren hadde fått beskjed om å halda ein fart som ville gje ei sluttid rundt 9.10-9.15, så eg la meg litt bak, då dette er ein del fortare enn eg har sprunge på, legg ho til.

– Det var eit greit løp for min del. Eg er nøgd med gjennomføring og ny pers, seier ho.

Det var to deltakarar frå Stord Friidrett som var i aksjon i landskampen i Uppsala i dag: Pernilla Epland på 3.000 meter for damer, og Tom Erling Kårbø på 1.500 meter for menn.

– Det vart suksess for begge stordløparane i Nordenlandskampen, skriv trenar Nils Hetleflåt på Stord Friidrett sine nettsider.

– Først i aksjon var Pernilla på 3.000 meter. Her var det bestilt eit høgt opningstempo av den finske favoritten, Camilla Richardsson. Pernilla klarte å hengja med til kring tusen meter, som ho passerte på 3,06, men då vart det ei luke fram til tetkvartetten, og Pernilla vart liggjande åleine resten av løpet, skriv Hetleflåt.

Pernilla kom i mål på tida 9,29,24. Med det sette ho ny personleg rekord med 1,34 sekund.Resultat:

1. Camilla Richardsson, Finland 9.13.44

2. Linn Søderholm, Sverige 9.21.58

3. Alberte Kjær Pedersen, Danmark 9.23.34

4. Maria Sagnes Wågan, Norge 9.27.76

5. Pernilla Epland, Norge 9.29.24

6. Maria Larsen, Danmark 9.36.91

7. Lisa Øhberg, Sverige 9.43.61

8. Janica Maekelae, Finland 9.51.14


Siste saker Gå til framsida

Leiar: Ja til lokal utdanningsmesse

I ei rekkje år hadde Tysnes si eiga yrkes- og utdanningsmesse. No tek lokalpolitikar og Sp-representant Inge Malkenes til orde for at Tysnes på ny bør få ei lokal utdanningsmesse. Det er eit veldig bra, og ikkje minst viktig initiativ.Det er over fem år sidan det sist vart skipa til ei lokal yrkes- og...

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.