ANGREP: I raude drakter ser me toppscorar Annica Reimdal Vee med ballen, og Hanna langballe inne på strek. (Foto: Ragnhild Haaland Malkenes)
ANGREP: I raude drakter ser me toppscorar Annica Reimdal Vee med ballen, og Hanna langballe inne på strek. (Foto: Ragnhild Haaland Malkenes)

Siger for Jenter 14

Bjarg 2 nådde ikkje opp mot tysnesjentene på laurdag.
Publisert 12.02.2018 kl. 18.00. Oppdatert kl. 18.18.

Dagen starta med at Tysnes J 14 klarte å stilla lag, etter litt spenning på grunn av mykje sjukefråvær på trening denne veka. Dei skulle møta Bjarg 2, som også hadde fått merka at det var influensatid.

Jentene våre kom svært raskt og resolutt i gang med eitt mål frå høgre ving etter få sekund. Vidare var det jamnt mellom dei to laga, og då det var fire minutt igjen til pause var stillinga 5-5.

Men til pause hadde Tysnes klart å få eit forsprang på 9-5, og kampen enda 17-12 til våre storfornøgde jenter. Alt i alt veldig mykje bra spel, både i forsvar og angrep, og ikkje minst i mål der Emma storspelte!

Litt synd at det ikkje var fleire på tribunen, men takk for den flotte underhaldninga de gav oss som hadde høve til å komma.

Desse var med: Marita F. Lunde, Annette Christensen (1), Emma Marie B. Elgsås, Hanna Langballe (2), Synne Malkenes, Maren J. Nes, Kristine P. Oppdal, Julia Rose B. Søreide (5), Annica R. Vee (6), Elise Vermedal og Malin Dalland (3).


Siste saker Gå til framsida

Forventar ein kjekk konsert

– Julekonserten er ein årleg tradisjon. Onarheim Musikklag har hatt den så lenge eg har spelt med dei, for å seia det sånn, fortel Magne Storesætre.

Lovar dialog om ferjeruter

I haust sende Tysnes formannskap ei rekkje spørsmål til Skyss kring dei nye ferjekontraktane for sambanda Våge-Halhjem og Hodnanes-Nordhuglo-Jektevik. Skyss svarar ikkje på spørsmåla, men skriv at dei i nærmaste framtid vil invitera til dialog omkring ruteplanane, og at det i møtet vil bli gitt informasjon om dei økonomiske, kontraktsmessige og praktiske rammene for ruteplanlegginga.