GLATT: Ein bilførar var søndag ettermiddag uheldig og køyrde av vegen ved Skår på Flatråker. (Foto: Lars Mæland)
GLATT: Ein bilførar var søndag ettermiddag uheldig og køyrde av vegen ved Skår på Flatråker. (Foto: Lars Mæland)

Uheldig på glatt føre

Ein bilførar som var åleine i bilen, var søndag ettermiddag uheldig på det glatte føret og køyrde av vegen ved Skår på Flatråker.
Publisert 12.02.2018 kl. 13.35. Oppdatert kl. 14.20.

Politibetjent Atle Birkeland ved Tysnes lensmannskontor fortel om vekslande føre og vanskelege køyreforhold søndag ettermiddag, med både tørr og våt vegbane, og snø og is i vegen.

I ei kurve ved Skår på Flatråker har føraren mista veggrepet og kome over i motgåande køyrefelt, og deretter truffe autovernet. På returen har bilen køyrt av vegen og blitt ståande i skogkanten i rett køyreretning.

Bilføraren hadde litt smerte i brystregionen etter hendinga, men kom seg sjølv til legekontoret på Tysnes og vart undersøkt der.

Politiet var på ulukkesstaden.

– Det er ikkje mistanke om at vedkomande har køyrt for fort. Vedkomande var rett og slett uheldig, seier Birkeland.

Vest Politidistrikt melde klokka 15.09 søndag om at ein bil hadde køyrt av vegen i Uggdal, Tysnes.

– Ukjent skadeomfang, men skal vera ute av bilen og teken hand om av forbipasserande. Politiet rykker ut til staden, heitte det i Twitter-meldinga.


Siste saker Gå til framsida

Skal arrangera opplæringsjakt på Tysnes

Tysnes Jakt- og Fiskelag skal til helga arrangera opplæringsjakt.– Me er så heldige at me har fått tak i opplæringsterreng her på øya, og me er også så heldige at me skal arrangera opplæringsjakt i regi av Norges Jeger- og Fiskerforbund, fortel leiar i Tysnes Jakt- og Fiskelag, Bjarte Erstad.Fredag kveld er sett av til informasjon. Sjølve jakta vil føregå laurdag og søndag. Det...

Håpar på E39-vedtak før jul

Kor Langenuen skal kryssast av den nye ferjefrie E39, kan bli avgjort før jul. Det fortel prosjektleiar for E39 Stord-Tysnes-Os, Signe Eikenes, til «Tysnes».Dei to alternativa som det står mellom er sørleg kryssing ved Hodnanes-Jektevik (biletet) og eit midtre alternativ ved Raunholm-Neshamn. Kommunestyret i Tysnes har gått inn for kryssing i sør. Det har også nabokommunane.– Me...