Fanga branndramaet på video

Det tidlegare bustadhuset øverst i Vermedal stod i full fyr då drosjesjåfør Elin Borgen kom ned dalen.
Publisert 13.02.2018 kl. 14.22. Oppdatert kl. 14.47.

– Før eg runda svingen og såg det brennande huset, såg eg eit raudleg ljos over heile dalen, seier Borgen.

Ho hadde kunnskap om dei svake mobilforholda i dalen og køyrde vidare.

Les også: Fritidsbustad i full fyr.

– Då eg prøvde, fekk eg kontakt med 110-sentralen med ein gong. Då hadde dei allereie fått melding frå Knut Dalland, seier Borgen.

Ho stoppa midt i dalen, og gjekk tilbake til huset, men heldt seg på trygg avstand frå flammane etter ordre frå operasjonssentralen. Huset var då heilt overtent.

– Det var ekkelt å sjå korleis flammane tok overhand og taket berre rasa saman, seier ho.

Ho sjekka på nedsida av huset om ho kunne sjå folk. Straks etter kom Dalland også tilbake.

– Eg skulle nå ferja, så eg køyrde etter ei stund vidare nedover, medan han vart ståande att.

Då ho møtte ho brannbilen, var vegbreidda så smal at drosjebilen hamna i grøfta, og ho måtte ha hjelp av svigersonen Ove for å få bilen opp att på vegen.


DRAMATISK: Huset i Vermedal var fullstendig overtent då drosjesjåfør Elin Borgen var på staden tysdag morgon. (Foto og video: Elin Borgen)
DRAMATISK: Huset i Vermedal var fullstendig overtent då drosjesjåfør Elin Borgen var på staden tysdag morgon. (Foto og video: Elin Borgen)

Siste saker Gå til framsida

Leiar: Ja til lokal utdanningsmesse

I ei rekkje år hadde Tysnes si eiga yrkes- og utdanningsmesse. No tek lokalpolitikar og Sp-representant Inge Malkenes til orde for at Tysnes på ny bør få ei lokal utdanningsmesse. Det er eit veldig bra, og ikkje minst viktig initiativ.Det er over fem år sidan det sist vart skipa til ei lokal yrkes- og...

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.