SLUKKING: Vegard Aslaksen frå brannvesenet på Tysnes, held på med slukkingsarbeid. (Foto: Ole Skaten)
SLUKKING: Vegard Aslaksen frå brannvesenet på Tysnes, held på med slukkingsarbeid. (Foto: Ole Skaten)

Husbrannen: – Ingen i huset

I morgontimane tysdag har ein fritidsbustad brent ned i Vermedal på Tysnes.
Publisert 13.02.2018 kl. 07.15. Oppdatert kl. 16.08.

Like før klokka seks tysdag morgon melde naudetatane om husbrannen.

– Brannvesenet kom først til staden, og då var bygget heilt overtent. Det var ikkje råd å berga huset, seier Lorentz Lunde, lensmann i Fusa og Tysnes lensmannsdistrikt.

Politiet har kome i kontakt med huseigaren, og kan no bekrefta at det ikkje har vore folk i huset.

– Me har fått avklart at det var ingen i huset, seier Lunde.

Les også: Fanga branndramaet på video.


Etterslukking

Rundt klokka 10.30 held brannvesenet framleis på med etterslukking av branntomta.

Fritidsbustaden skal ha blitt kjapt overtent. Då politiet var på staden klokka 06.38, var bygget nær nedbrent.

Brannvesenet var på staden klokka 06.10.

I dei første meldingane frå naudetatane blei det skrive at bygget låg ved Vermedalsvatnet. Huset som har brent ned er eit gamalt gardsbruk øvst i Vermedal, litt nærare Onarheim. Dei siste åra har huset blitt brukt som fritidsbustad.


Drosjesjåfør melde i frå

Både ein drosjesjåfør og ein bussjåfør oppdaga brannen, og meldinga til naudetatane kom inn klokka 05.50.

– Ein drosjesjåfør såg røyk og flammar. Det er dårleg mobildekning på staden, så han måtte køyra eit stykke før han fekk kontakt med brannvesenet, seier Bjarte Rebnord, operasjonsleiar ved Vest politidistrikt til «Tysnes» klokka 07.40.

Allereie då brannvesenet blei varsla var fritidsbustaden beskriven som overtent.

– Huset er utbrent. Me prøver å få kontakt med eigaren av bygget. Det har me ikkje fått, men det er ikkje noko som tilseier at han skal ha vore i hytta. Det er ingen bilar som har stått i nærleiken i hyttefeltet, uttalte Rebnord tysdag morgon.


Undersøkingar

No ventar ein på at det skal bli låg nok temperatur til at ein kan gjera undersøkingar på staden.

Det er truleg at politiet kjem til å gjera kriminaltekniske undersøkingar, opplyser Rebnord ved operasjonssentralen.

– Me kjem ikkje til å gjera undersøkingane i dag. Ein må venta til tomta er nedkjølt, forklarer Lunde.

Tysdag føremiddag gjennomfører politiet avhøyr av huseigar og vitne til hendinga.

Huseigaren har fortald til politiet at måndag kveld var siste gongen det var folk i huset.


NAUDETATANE: Brannvesenet var raskt på staden, men huset stod ikkje til å redda. (Foto: Ole Skaten)
NAUDETATANE: Brannvesenet var raskt på staden, men huset stod ikkje til å redda. (Foto: Ole Skaten)
NEDBRENT: Det gamle gardsbruket er brent til grunnen. (Foto: Ole Skaten)
NEDBRENT: Det gamle gardsbruket er brent til grunnen. (Foto: Ole Skaten)
BRANNSJEF: Brannsjef Torfinn Kongsvik og mannskapet i Tysnes brannvesen fekk ein travel tysdag morgon. (Foto: Ole Skaten)
BRANNSJEF: Brannsjef Torfinn Kongsvik og mannskapet i Tysnes brannvesen fekk ein travel tysdag morgon. (Foto: Ole Skaten)

Siste saker Gå til framsida

Premierte ivrige turgåarar

Anne Britt Onarheim vann gåvekort på 1.000 kroner, medan Viljar Olai Skaten vann hovudgevinsten på 2.000 kroner.

– Det er kjekt å koma heim att

Nokon fedrar er vekke mellom åtte og fire kvar dag. Nokon er vekke to veker i Nordsjøen. Christer Helland er vekke to månadar om gongen.

Har fått fornya tillit

8. november signerte Norconsult AS og Dr.techn. Olav Olsen AS kontrakt på «Konseptutredning flytebru E39 Bjørnafjorden».

Debatt: Ope brev til politikarane i Tysnes kommune

Allereie for 12 år sidan, byrja ein å snakka om bygging av ny barnehage for Uggdal/Våge. Barn og vaksne i Stjernereiso barnehage/Vågsmarka barnehage lever framleis i uvisse om når eit slikt bygg eventuelt kjem. Modulane på Reiso er eit mellombels bygg, og no i haust har me vore der i seks år. Det er eit lite hensiktsmessig bygg for barnehagedrift, og me må dagleg handtera dei fysiske...