TIL TYSNESFEST: Laurdag 14. juli står Elvis Costello på scenen på Gjerstad. (Foto: Bernie Mcallister)
TIL TYSNESFEST: Laurdag 14. juli står Elvis Costello på scenen på Gjerstad. (Foto: Bernie Mcallister)

Elvis Costello – verdsstjerne til Tysnesfest

Han har samarbeidd med Paul McCartney og er gift med Diana Krall. No kjem Elvis Costello til Tysnesfest.
Publisert 14.02.2018 kl. 20.30. Oppdatert kl. 20.34.

– Det er intet anna enn ei verdsstjerne som inntek Gjerstad arena laurdag 14. juli, seier ein godt nøgd Tysnesfest-leiar, Øystein Vaage.

Elvis Costello er ei legende som har vore på vegen i 40 år. 63-åringen har gitt ut eit 30-tals album åleine og med fleire band og andre artistar.

I starten på karrieren var Costello sterkt påverka av punk og new wave, sidan også i sjangrar som blues og country.

Engelskmannen har vore og er ein politisk person. Han var mellom anna ei av drivkreftene for «Rock against racism», og gav ut fleire plater med motstand mot Margareth Thatcher og hennar regjering, spesielt Falklandskrigen.

Costello har ein Grammy-pris, og vart i 2003 teken opp i Rock and roll hall of fame. Han har hatt mange hits opp gjennom åra. Ein av dei mest kjente er kanskje «She», som vart ein monsterhit då filmen «Notting Hill» kom i 1999. Men han er og kjend for perler som «Alison», «Veronica» og «I’ll never fall in love again», som han song saman med ei anna legende, Burt Bacharach. I november slapp han singelen «You shouldn’t look at me that way out now!», og han skal sommaren 2018 ut på nok ein turne. Før konserten på Tysnesfest skal Costello mellom anna spela i Anwerpen, Manchester og Wien.


Siste saker Gå til framsida

Kors, vaflar og fotball-VM på Solstråleøya

– Det var ein nydeleg vêrdag, med fin temperatur. Me fekk flott skyss frå Våge i Mor Di, skøyta til Patrick Madsen.Dette seier Hans Ole Dalland, om friluftsgudstenesta på Solstråleøya søndag.Vidare kan han fortelja at nokre av deltakarane kom roande frå Lunde – og nokre kom verkeleg langvegsfrå:– Eit ektepar frå Minnesota var på Tysnesferie, og fekk oppleva den flotte...

Sluttar som drosjesjåfør

– Eg har tenkt lenge på dette, fortel Elin Borgen.Det er ikkje vanskeleg å skjøna at dei fleste kjenner den sympatiske drosjesjåføren. Over halvparten av bilistane som passerer, vinkar til Borgen, i det ho møter «Tysnes» langs vegen i Uggdal.