TIDLEGARE DELTAKAR: Tysnesingen Elisabeth Sælen Helgesen (14) deltok med horn, på UKM i Bergen i fjor. (Arkivfoto: UKM)
TIDLEGARE DELTAKAR: Tysnesingen Elisabeth Sælen Helgesen (14) deltok med horn, på UKM i Bergen i fjor. (Arkivfoto: UKM)

– Hiv deg frampå!

UKM går snart av stabelen. Yngve Nikolaisen har ei sterk oppfordring til ungdom om å melda seg på.
Publisert 17.02.2018 kl. 06.00.

Er du mellom 13 og 20 år, og har noko som kan visast fram på ein scene, eller i ei utstilling?

Då kan UKM vera noko for deg, meiner kulturskulerektoren i Tysnes kommune.

– Dei som likar å driva med kulturelle ting, bildekunst, musikk, media, og så vidare, kan delta, seier Nikolaisen.

Ein kan også delta som arrangør eller konferansier.


Kort frist

Nikolaisen håpar ungdom er raske i snuen, og melder seg på. Fristen går ut allereie søndag 18. februar.

Dei ungdommane som melder seg på, vil Nikolaisen kalla inn til eit møte. Der skal dei få visa kva dei kan.

Ein treng ikkje å ha klart eit ferdig nummer, sjølv om ein melder seg på no.

– Dei med basiskunnskap til å utvikla seg vidare, kan me senda av garde, seier kulturskulerektoren. Uttaket for kven frå Tysnes som går vidare til Hordaland-festivalen, skal vera klart 1. mars.


Bala med kreative ting

– På fylkestreffet vil ungdommane få moglegheit til å møta likesinna. Om nokon liker å bala på med kreative ting, og gjerne er litt sosiale, er det berre å hiva seg frampå, er beskjeden frå Nikolaisen.

I 2017 deltok fleire tysnesingar på UKM i fylket. Elisabeth Sælen Helgesen stod for fyrste gong heilt åleine på scenen, og spelte på hornet sitt.

Kristin Skorpen imponerte med ei flott kunstutstilling, og gjekk vidare til den nasjonale UKM-festivalen.

Ung Kultur Møtes, tidlegare Ungdommens Kulturmønstring, er ikkje berre ein talentkonkurranse.

Det skal vera ein møtestad, ein leikeplass, eit klasserom og ein mestringsarena.


SØK: Yngve Nikolaisen håpar at ungdom nyttar sjansen, og melder seg på det lokale UKM-uttaket, innan 18. februar. (Arkivfoto: Ingunn Gjærde)
SØK: Yngve Nikolaisen håpar at ungdom nyttar sjansen, og melder seg på det lokale UKM-uttaket, innan 18. februar. (Arkivfoto: Ingunn Gjærde)

Siste saker Gå til framsida

Kors, vaflar og fotball-VM på Solstråleøya

– Det var ein nydeleg vêrdag, med fin temperatur. Me fekk flott skyss frå Våge i Mor Di, skøyta til Patrick Madsen.Dette seier Hans Ole Dalland, om friluftsgudstenesta på Solstråleøya søndag.Vidare kan han fortelja at nokre av deltakarane kom roande frå Lunde – og nokre kom verkeleg langvegsfrå:– Eit ektepar frå Minnesota var på Tysnesferie, og fekk oppleva den flotte...

Sluttar som drosjesjåfør

– Eg har tenkt lenge på dette, fortel Elin Borgen.Det er ikkje vanskeleg å skjøna at dei fleste kjenner den sympatiske drosjesjåføren. Over halvparten av bilistane som passerer, vinkar til Borgen, i det ho møter «Tysnes» langs vegen i Uggdal.