FLINKE: Jenter 15 får skryt for godt forsvarsspel i kampen mot Lindås på laurdag. (Foto: Snefrid Trondsen)
FLINKE: Jenter 15 får skryt for godt forsvarsspel i kampen mot Lindås på laurdag. (Foto: Snefrid Trondsen)

Jenter 15 imponerte i forsvar

I ein kamp der forsvaret hadde alt å seia for utfallet, vann J15 med to fleire mål enn motstandarane.
Publisert 19.02.2018 kl. 12.33.

Laurdag sette jentene seg på ferja til Halhjem. Køyreturen var lang (1,5 time), og for nokre vart turen endå lenger med litt feilkøyringar. Likevel rakk alle kampen. Me mangla nokre spelarar, og nokre var ikkje heilt i form, men jentene var ved godt mot.

Det første målet gjekk til Lindås, men det andre gjekk til oss. Midt i fyrste omgang leia me med tre mål, men Lindås henta oss inn igjen etter me fekk ei utvising. Likevel gjekk me til pause med stillinga 7-9 i vår favør.

Andre omgang var prega av godt forsvarsspel frå begge laga.

Dette var ein kamp der forsvaret hadde alt å seia for utfallet. Jentene spelte fantastisk i forsvar, og Martine stod godt i mål. I angrep fekk dei til mykje av det dei har jobba med på treningane. Me fekk også inn flest mål. Kampen enda 14-16 i Tysnes favør.

Desse var med: Oda Skaten Aarbakke (1), Anette Christensen (1), Anni Elise Trondsen Dalland (7), Malene Skår Hagen (2), Martine Ludvigsen, Marita Fagerbakk Lunde (2), Mari Meland, Petra Sløgedal (3) og Malin Dalland.


Siste saker Gå til framsida

Sluttar som drosjesjåfør

– Eg har tenkt lenge på dette, fortel Elin Borgen.Det er ikkje vanskeleg å skjøna at dei fleste kjenner den sympatiske drosjesjåføren. Over halvparten av bilistane som passerer, vinkar til Borgen, i det ho møter «Tysnes» langs vegen i Uggdal.

Knuste Bergen Allfot

Søndag drog Njardar sitt a-lag i land ein overtydande 7-0-siger på bortebane, og det trass mange forfall.